കൊല്ലം: കൊവിഡ് ബാധിക്കുമെന്ന് ഭയന്ന് കൊല്ലത്ത് വിദ്യാര്‍ഥി ആത്മഹത്യ ചെയ്തു. കൊല്ലം പുനലൂര്‍ തൊളിക്കോട്ടാണ് സംഭവം. തൊളിക്കോട് സ്വദേശി സജികുമാര്‍-രാജി ദമ്പതികളുടെ മകന്‍ വിശ്വകുമാറാണ് (20) ആത്മഹത്യ ചെയ്തത്. ഇന്നലെ പുലര്‍ച്ചെയാണ് വിശ്വകുമാറിനെ തൂങ്ങിമരിച്ച നിലയില്‍ കണ്ടെത്തിയത്.

സഹോദരന് കൊവിഡ് ബാധിച്ചതിനെ തുടര്‍ന്ന് നിരീക്ഷണത്തില്‍ കഴിയുകയായിരുന്നു വിശ്വകുമാര്‍. ഇതിനിടയിലാണ് ആത്മഹത്യ ചെയ്ത നിലയില്‍ കണ്ടെത്തിയത്. കൊവിഡ് ഭീതി മൂലമാണ് ജീവനൊടുക്കുന്നതെന്ന് മൊബൈല്‍ ഫോണില്‍ വിശ്വകുമാര്‍ എഴുതിവച്ച കുറിപ്പ് കണ്ടെടുത്തതായി പൊലിസ് അറിയിച്ചു.