ദുബൈ: മുഹമ്മദലി പൂനൂര് രചിച്ച 'ചിലനേരങ്ങളില്‍' എന്ന കഥാ സമാഹാരം ഷാര്‍ജ പുസ്തകമേളയില്‍ പ്രകാശനം ചെയ്തു.റൈറ്റേഴ്സ് ഫോറം ഓഡിറ്റോറിയത്തില്‍ മീഡിയ വണ്‍ ബ്യുറോ ചീഫ് എം.സി.എ നാസര്‍ ഇന്‍വെസ്റ്റ്‌മെന്റ് വിദഗ്ധനായ കെ.വി ഷംസുദ്ദീന് നല്‍കിക്കൊണ്ട് പ്രകാശനം ചെയ്തു. ഹുദാ സറി വാല അധ്യക്ഷം വഹിച്ചു. മലബാര്‍ ഗോള്‍ഡ് ഡയറക്ടര്‍ ഫൈസല്‍, ഫഹ്‌മിദ ബഷീര്‍ ആശംസകള്‍ നേര്‍ന്നു. തന്റെ കഥകള്‍ക്ക് മണ്ണിന്റെ മണം കുറവാണെന്നും ഗള്‍ഫില്‍ പ്രവാസികളൊഴുക്കിയ വിയര്‍പ്പിന്റെയും ഗള്‍ഫു ജീവിതം നല്‍കിയ അത്തറിന്റെ നറു മണത്തിന്റെയും സമ്മിശ്ര ഗന്ധമാണെന്നും പുസ്തകം പരിചയപ്പെടുത്തിക്കൊണ്ടു മുഹമ്മദലി പൂനൂര് പറഞ്ഞു.മോട്ടിവേഷണന്‍ പ്രാസംഗികന്‍ സുഹൈല്‍ യോഗം നിയന്ത്രിച്ചു. പ്രസാധകരായ ലിപി പബ്ലിക്കേഷന്‌സിന്റെ മാനേജിങ് ഡയറക്ടര്‍ അക്ബര്‍ പങ്കെടുത്തു.