മെൽബൺ: ടി20 ഫോർമാറ്റിലെ വിശ്വവിജയികളെ അറിയാൻ ഇനി മണിക്കൂറുകൾ മാത്രം. പാകിസ്താനെതിരായ കലാശപ്പോരാട്ടത്തിൽ ടോസ് ഭാഗ്യം ഇംഗ്ലണ്ടിന്. ടോസ് നേടിയ ഇംഗ്ലീഷ് ക്യാപ്റ്റൻ പാകിസ്താനെ ബാറ്റിങ്ങിനയച്ചു.

ഫൈനലിനു മഴ രസംകൊല്ലിയാവുന്നുണ്ട്. മഴ പെയ്യാനുള്ള സാധ്യത കൂടുതലാണെന്നാണ് കാലാവസ്ഥാ വകുപ്പിന്റെ പ്രവചനം. സൂപ്പർ 12ലെ ഗ്രൂപ്പ് ഒന്നിലെ റണ്ണറപ്പുകളായി മുന്നേറിയ ഇംഗ്ലണ്ട് സെമി ഫൈനലിൽ ഇന്ത്യയെ പത്തു വിക്കറ്റിനു തകർത്തെറിയുകയായിരുന്നു. ഗ്രൂപ്പ് രണ്ടിലെ രണ്ടാംസ്ഥാനക്കാരായിട്ടാണ് പാകിസ്താൻ സെമിയിൽ കടന്നത്. സെമിയിൽ ന്യൂസിലാൻഡിനെതിരേ ഏകപക്ഷീയ വിജയമാണ് പാക് പട സ്വന്തമാക്കിയത്.