കൊട്ടാരക്കര: കഞ്ചാവുമായി യുവാക്കളെ പിടികൂടി. 235 പൊതി കഞ്ചാവുമായി യുവാക്കളെ സഞ്ചരിച്ചിരുന്ന ബൈക്ക് സഹിതം എക്‌സൈസ് പിടികൂടി.
നെടുമ്പന ചരുവിളപുത്തന്‍വീട്ടില്‍ അനുരാജ്, കുഴിമതിക്കാട് ദേവികഭവനത്തില്‍ ദേവകുമാര്‍ എന്നിവരാണ് പിടിയിലായത്. വ്യാഴ്ച രാത്രി 9 മണിയോടെ കൊട്ടാരക്കരക്ക് വന്ന ഇവരെ രഹസ്യവിവരത്തിന്റെ അടിസ്ഥാനത്തില്‍ നെടുവത്തൂരില്‍ വച്ച് പിടികൂടുകയായിരുന്നു. പുത്തൂര്‍,കുഴിമതിക്കാട്,എഴുകോണ്‍ എന്നീ സ്‌കൂളുകളിലെ ഹയര്‍സെക്കന്‍ഡറി വിദ്യാര്‍ഥികളെ ലക്ഷ്യമിട്ടാണ് ഇവര്‍ വില്‍പ്പന നടത്തിവന്നത്. പൊതിക്ക് 300 മുതല്‍ 500 രൂപ നിരക്കില്‍ ബൈക്കില്‍ കറങ്ങിനടന്ന് ആവശ്യക്കാര്‍ക്ക് സാധനം എത്തിച്ച് നല്‍കുകയാണ് ഇവരുടെ രീതി. ദൂര പരിധിയനുസരിച്ച് പെട്രോള്‍ ചിലവിന് അധികമായും പണം നല്‍കണം. ഇവര്‍ക്ക് കഞ്ചാവ് നല്‍കുന്ന ആളിനെപറ്റിയും എകസൈിന് വിവരം ലഭിച്ചിട്ടുണ്ടന്ന് എക്‌സൈസ് സര്‍ക്കിള്‍ ഇന്‍സ്പക്ടര്‍ വി.റോബര്‍ട്ട് പറഞ്ഞു. ഇന്‍സ്പക്ടര്‍ എസ്.ശശികുമാര്‍, കെ.സതീഷ്ബാബു, ബി.ആര്‍ പ്രദീപ്, റ്റി. ജയകുമാര്‍ എന്നിവരാണ് സംഘത്തിലുണ്ടായിരുന്നത്.