ആലപ്പുഴ: സ്ഥാനം കിട്ടുമ്പോള്‍ മാത്രം ഗ്രൂപ്പില്ലെന്ന് പറയുന്നതിനോട് യോജിക്കുന്നില്ലെന്ന് മുന്‍ പ്രതിപക്ഷനേതാവ് രമേശ് ചെന്നിത്തല. എല്ലാവര്‍ക്കും ഗ്രൂപ്പുണ്ടെന്നും ഡി.സി.സി പ്രസിഡന്റായി നിയമിതനായ ബി. ബാബു പ്രസാദിനെ അഭിനന്ദിച്ച ശേഷം അദ്ദേഹം വാര്‍ത്താലേഖകരോട് പറഞ്ഞു.

ഡി.സി.സി പ്രസിഡന്റുമാരുടെ കാര്യത്തില്‍ വേണ്ടപോലെ ചര്‍ച്ച ചെയ്തിരുന്നെങ്കില്‍ ഹൈക്കമാന്‍ഡ് ഇടപെടല്‍ ഒഴിവാക്കാമായിരുന്നു. തര്‍ക്കങ്ങള്‍ കൂടിയാലോചനയിലൂടെ പരിഹരിക്കണം. കൂടിയാലോചന സംസ്ഥാനതലത്തില്‍ ഇനിയുമുണ്ടാകുമെന്നാണ് പ്രതീക്ഷിക്കുന്നത്. ഭരണഘടനാപരമായി മാത്രമേ കെ.പി.സി.സി പ്രസിഡന്റിന് അച്ചടക്ക നടപടി സ്വീകരിക്കാന്‍ കഴിയുകയുള്ളൂവെന്നും അദ്ദേഹം പറഞ്ഞു.