ദുബൈ:അര്‍ജന്റീനന്‍ കാല്‍പ്പന്തിന്റെ നായകന്‍ ലയണല്‍ മെസ്സി അബൂദബിയിലെത്തി. ഫ്രഞ്ച് ലീഗിലെ പി.എസ്.ജി,ഓക്‌സിയോണ്‍ മത്സരത്തിന് ശേഷമാണ് മെസ്സി അബൂദബിയില്‍ എത്തിയത്.മെസ്സിക്ക് പുറമെ ഡി പോള്‍, മൊളീന, ജുവാന്‍ ഫെയ്ത്, ജൂലിയന്‍ അല്‍വാരസ്, ജിറോനിമോ റുള്ളി എന്നിവരും ഇവിടെ എത്തിയിട്ടുണ്ട്. ഇന്ന് തിങ്കള്‍ രാത്രി അബൂദബി അല്‍ നഹ്‌യാന്‍ സ്‌റ്റേഡിയത്തില്‍ മെസ്സിയുടെ സംഘം പരിശീലനത്തിനിറങ്ങും. കാണികള്‍ക്ക് ടിക്കറ്റെടുത്ത് പരിശീലനം കാണാം.16ന് യു.എ.ഇ ടീമുമായി മുഹമ്മദ് ബിന്‍ സായിദ് സ്‌റ്റേഡിയത്തില്‍ പരിശീലന മത്സരം നടക്കും. അന്ന് ടീം ഖത്തറിലേക്ക് തിരിക്കും.