ന്യൂഡല്‍ഹി; കൂട്ടപ്പിരിച്ചുവിടലിനൊരുങ്ങി ഇ കൊമേഴ്‌സ് രംഗത്തെ ഭീമന്‍മാരായ ആമസോണും. പതിനായിരത്തോളം ജീവനക്കാരെ ഉടന്‍ പിരിച്ചുവിടുമെന്നാണ് റിപ്പോര്‍ട്ട്. യു.എസ് മാധ്യമങ്ങള്‍ ആണ് ഇക്കാര്യം റിപ്പോര്‍ട്ട് ചെയ്തത്. കമ്പനിയുടെ ചരിത്രത്തിലെ ഏറ്റവും വലിയ പിരിച്ചുവിടലായിരിക്കും ഇതെന്നും റിപ്പോര്‍ട്ടുകള്‍ പറയുന്നു.

പുതിയ ജീവനക്കാരെ നിയമിക്കുന്നതും മരവിപ്പിച്ചിട്ടുണ്ട്. വോയ്‌സ് അസിസ്റ്റന്റ് അലക്‌സയുടെ സാങ്കേതിക വിഭാഗങ്ങളിലും മാനവവിഭവശേഷി വിഭാഗങ്ങളിലും ജോലി ചെയ്യുന്നവരെയാണ് പിരിച്ചുവിടുന്നത്.

16 ലക്ഷത്തോളം ജീവനക്കാരാണ് ഈ ഇ കൊമേഴ്‌സ് കമ്പനിയിലുള്ളത്. നേരത്തെ ട്വിറ്ററും ഫേസ്ബുക്കും ജീവനക്കാരെ പിരിച്ചുവിട്ടിരുന്നു.