ആലപ്പുഴ: ആലപ്പുഴ ബൈപ്പാസില്‍ കാറുകള്‍ കൂട്ടിയിടിച്ച് രണ്ട് മരണം. എറണാകുളം സ്വദേശികളായ മില്‍ട്ടണ്‍ ബാബു, സുനില്‍ എന്നിവരാണ് മരിച്ചത്. പുലര്‍ച്ചെ രണ്ടു മണിയോടെയാണ് അപകടമുണ്ടായത്. പരുക്കേറ്റ രണ്ടു പേര്‍ അതീവ ഗുരുതരാവസ്ഥയില്‍ വണ്ടാനം മെഡിക്കല്‍ കോളേജ് ആശുപത്രിയില്‍ ചികിത്സയിലാണ്. ഇവരെ തിരിച്ചറിഞ്ഞിട്ടില്ല.

എതിര്‍ദിശയില്‍ വന്ന കാറുകള്‍ ബാപ്പു വൈദ്യര്‍ ജംഗ്ഷന്‍ ഭാഗത്ത് കൂട്ടിയിടിക്കുകയായിരുന്നു. പൊലിസും അഗ്‌നിശമന സേനയും കാര്‍ വെട്ടിപ്പൊളിച്ചാണ് നാലു പേരെയും പുറത്തെടുത്തത്.