കോഴിക്കോട്: സെപ്റ്റംബര്‍ രണ്ടിനു രാജ്യവ്യാപകമായി നടക്കുന്ന പണിമുടക്കില്‍ പങ്കെടുക്കാന്‍ കോഴിക്കോട്ടു ചേര്‍ന്ന കോണ്‍ഫെഡറേഷന്‍ ഓഫ് കേരള കോളജ് ടീച്ചേഴ്‌സ് സംസ്ഥാന കമ്മിറ്റി തീരുമാനിച്ചു.
സംസ്ഥാന വൈസ് പ്രസിഡന്റ് പ്രൊഫ. പാമ്പള്ളി മഹ്മൂദ് അധ്യക്ഷനായി. കോളജ് അധ്യാപകരുടെ ശമ്പളമുള്‍പ്പെടെയുള്ള സര്‍വിസ് സംബന്ധമായ കാര്യങ്ങളില്‍ കാലതാമസം വരുത്തുന്ന കോഴിക്കോട് ഡി.ഡിയുടെ നിലപാടില്‍ പ്രതിഷേധിച്ച് ഒക്ടോബര്‍ ഒന്നിന് ഡി.ഡി ഓഫിസിനു മുന്നില്‍ അധ്യാപക ധര്‍ണ നടത്താനും തീരുമാനിച്ചു.
സംസ്ഥാന ഭാരവാഹികളായ ഡോ. സൈനുല്‍ ആബിദ് കോട്ട, ഇബ്രാഹീം സലീം, കെ.കെ അഷ്‌റഫ്, ഷഹദ് ബിന്‍ അലി, ഡോ. ഡി. രജികുമാര്‍, അലി നൗഫല്‍, മുഹമ്മദ് നൂറുല്‍ അമീന്‍, റഷീദ് അഹ്മദ്, ഷബീറലി, സുധീര്‍ സംസാരിച്ചു.