ദുബൈ: യുദ്ധക്കെടുതിയില്‍ സര്‍വവും നഷ്ടപ്പെട്ട് ദുരിതത്തിലായ ഫലസ്തീന്‍ ജനതക്ക് അവശ്യ സാധനങ്ങള്‍ സ്വരൂപിച്ച് നല്‍കുന്ന പ്രവര്‍ത്തനത്തിലാണ് ദുബായ് കെഎംസിസി. യുഎഇ റെഡ് കെസന്റ് മുഖേനയാണ് സഹായങ്ങള്‍ നല്‍കുന്നത്. ദുബൈ കെഎംസിസി ഓര്‍ഗ.സെക്രെട്ടറി ഹംസ തൊട്ടി ഭക്ഷ്യ വസ്തുക്കളും വസ്ത്രങ്ങളും അടങ്ങുന്ന 250 കാര്‍ട്ടണുകള്‍ റെഡ് ക്രസന്റ് മേധാവികള്‍ക്ക് കൈമാറി തുടക്കം കുറിച്ചു. വൈസ് പ്രസിമാരായ മുസ്തഫ വേങ്ങര, റയീസ് തലശ്ശേരി, ഹനീഫ് ചെര്‍ക്കള, സെക്രട്ടറിമാരായ അഡ്വ. ഇബ്രാഹിം ഖലീല്‍,
ഒ.മൊയ്തു, ഹസ്സന്‍ ചാലില്‍, അഷ്‌റഫ് കൊടുങ്ങല്ലൂര്‍,
സാദിഖ് എസ്.എം തിരുവനന്തപുരം എന്നിവര്‍ക്ക് പുറമെ കബീര്‍ വയനാട്, ജാസിം ഖാന്‍, യൂസഫ് മുക്കൂട്, സിദ്ദീഖ് ചൗക്കി, അഷ്‌റഫ് തോട്ടോളി, ശംസു തുടങ്ങിയവരും സംബന്ധിച്ചു.