കോട്ടയം:എരുമേലിയില്‍ സ്‌കൂള്‍ അധ്യാപകനെ നിര്‍ത്തിയിട്ട കാറിനുള്ളില്‍ മരിച്ചനിലയില്‍ കണ്ടെത്തി. കൂവപ്പള്ളി ടെക്നിക്കല്‍ സ്‌കൂളിലെ അധ്യാപകന്‍ ഷഫി യൂസഫി(33)നെയാണ് എരുമേലി ചരളയ്ക്ക് സമീപം കാറില്‍ മരിച്ചനിലയില്‍ കണ്ടെത്തിയത്.

നിര്‍ത്തിയിട്ട കാറില്‍ അവശനിലയില്‍ അധ്യാപകനെ കണ്ടതോടെ നാട്ടുകാരാണ് വിവരം പോലീസില്‍ അറിയിച്ചത്.തുടര്‍ന്ന് പോലീസെത്തി കാറിന്റെ ചില്ല് തകര്‍ത്ത് ആളെ പുറത്തെടുത്ത് ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു.ഹൃദയാഘാതമാണ് മരണകാരണമെന്നാണ് പ്രാഥമിക വിവരം.മൃതദേഹം എരുമേലി സര്‍ക്കാര്‍ ആശുപത്രിയില്‍ ആണ് ഉള്ളത്.