കൊച്ചി: പനമ്പിള്ളി നഗറിലെ കാനയില്‍ വീണ മൂന്ന് വയസുകാരന്‍ രക്ഷപ്പെട്ടത് തലനാരിഴക്ക്. കുട്ടിയുടെ അമ്മയുടേയും നാട്ടുകാരുടേയും സമയോചിതമായ ഇടപെടലാണ് രക്ഷയായത്. ഇന്നലെ വൈകീട്ടായിരുന്നു അപകടം

മെട്രോയില്‍ ഇറങ്ങി അമ്മയ്ക്കും അച്ഛനുമൊപ്പം നടന്നുവരികയായിരുന്നു. ഇതിനിടയിലാണ് കാല്‍ തെറ്റി കാനയിലേക്ക് വീണത്. കുട്ടി അഴുക്കുവെള്ളത്തില്‍ പൂര്‍ണമായും മുങ്ങിപ്പോയിരുന്നു. ചികിത്സയിലുള്ള കുട്ടിയുടെ ആരോഗ്യനില തൃപ്തികരമാണെന്ന് ആശുപത്രി അധികൃതര്‍ അറിയിച്ചു.

ഈ കാന മൂടണമെന്ന് പരിസരവാസികളും കൗണ്‍സിലറും അടക്കം നിരവധി തവണ ആവശ്യപ്പെട്ടിരുന്നു. എന്നാല്‍, അധികൃതര്‍ ഇതിന് വേണ്ട നടപടികള്‍ സ്വീകരിച്ചില്ല എന്നാണ് ആരോപണം.