കൊച്ചി: കൊച്ചിയില്‍ മോഡല്‍ കൂട്ടബലാത്സംഗത്തിന് ഇരയായി. ഇന്നലെ അര്‍ധരാത്രിയാണ് സംഭവം. ഇന്ന് രാവിലെ ലഭിച്ച പരാതിയുടെ അടിസ്ഥാനത്തില്‍ ഒരു സ്ത്രീ ഉള്‍പ്പടെ നാലുപേരെ എറണാകുളം സൗത്ത് പൊലീസ് അറസ്റ്റ് ചെയ്തു.

അറസ്റ്റിലായവരില്‍ മൂന്ന് പേര്‍ കൊടുങ്ങല്ലൂര്‍ സ്വദേശികളാണ്. ഇന്നലെ സുഹൃത്തായ സ്ത്രീക്കും ഇവരുടെ മൂന്ന് സുഹൃത്തുക്കള്‍ക്കുമൊപ്പം മോഡല്‍ ഡിജെ പാര്‍ട്ടിയില്‍ പങ്കെടുത്തിരുന്നു. അതിന് ശേഷം കുഴഞ്ഞുവീണുവെന്നും തുടര്‍ന്ന് കാറില്‍ കയറ്റി കൊണ്ടുപോയ പ്രതികള്‍ വഴിയില്‍ വെച്ച് പീഡനത്തിന് ഇരയാക്കുകയായിരുന്നു എന്നുമാണ് മോഡല്‍ പൊലീസിന് നല്‍കിയിരിക്കുന്ന മൊഴി. രാവിലെ പരാതി ലഭിച്ച ഉടന്‍ തന്നെ പൊലീസ് കേസെടുക്കുകയും നാലുപേരുടെയും അറസ്റ്റ് രേഖപ്പെടുത്തുകയുമായിരുന്നു.