മു​ഹ​മ്മ​ദ് ഷെ​മി​ൽ

ക്രി​യേ​റ്റീ​വ് ഡെ​ത്ത്

ഇ​ത്തി​രി ക്രി​യേ​റ്റീ​വ് തി​ങ്ക​റാ​യ വി​ദ്യാ​ർ​ഥി കാ​മ​റ​യും പി​ടി​ച്ച് പെ​രും​വെ​യി​ല​ത്തി​റ​ങ്ങി. നീ​ണ്ട നി​രീ​ക്ഷ​ണ​ത്തി​നൊ​ടു​വി​ൽ ഒ​രു ചി​ത​ൽ​പ്പു​റ്റ് ക​ണ്ടു. ഉ​ട​നെ​യോ​ടി ക​പ്പി​ൽ വെ​ള്ള​മെ​ടു​ത്ത് അ​തി​ലേ​ക്കൊ​ഴി​ച്ചു. പ്ര​ള​യ​ത്തി​ൽ​നി​ന്ന് ര​ക്ഷ​നേ​ടാ​ൻ ശ്ര​മി​ച്ച ചി​ത​ലു​ക​ളെ ച​വി​ട്ടി​ഞെ​രി​ച്ചു. ശേ​ഷം വ​ള​രെ ക്രി​യാ​ത്മ​ക​മാ​യി ഫോ​ട്ടോ​യെ​ടു​ത്തു. എ​ൻ​ട്രി അ​യ​ച്ചു​കൊ​ടു​ക്കു​മ്പോ​ൾ കൂ​ടെ​യൊ​രു കാ​പ്ഷ​നും..
'മ​ഴ ബാ​ക്കി​വ​ച്ച​ത് മ​ര​ണ​ങ്ങ​ൾ...'

ഈയാംപാ​റ്റ​ക​ൾ:
അ​ന്നും ഇ​ന്നും
അ​ന്ന്: ശ​ക്ത​മാ​യ മ​ഴ ഭൂ​മി​യെ വി​ഴു​ങ്ങി​യ​പ്പോ​ൾ ഈ​യാം​പാ​റ്റ​ക​ൾ മ​ണ്ണു​തു​ര​ന്ന് പു​റ​ത്തേ​ക്കോ​ടി. കി​ട​പ്പാ​ടം വെ​ള്ള​ത്തി​ലാ​യ സ​ങ്ക​ട​ത്തി​ൽ ഒ​രു വീ​ടി​ന്റെ ഉ​മ്മ​റ​ത്തു​ള്ള വി​ള​ക്കി​നു ചു​റ്റും അ​വ​രൊ​രു​മി​ച്ചു​കൂ​ടി. നേ​രം വെ​ളു​ക്കു​വോ​ളം ക​ര​ഞ്ഞു​തീ​ർ​ത്ത​വ​രി​ൽ പ​ല​രും തീ​യി​ൽ​ചാ​ടി മ​രി​ച്ചു. ചി​ല​ർ ചി​റ​കു​ക​ൾ മു​റി​ച്ച് ആ​ത്മ​ഹ​ത്യ ചെ​യ്തു.
ഇ​ന്ന്: ശ​ക്ത​മാ​യ മ​ഴ​കാ​ര​ണം ഭൂ​മി​ക്ക​ടി​യി​ൽ തീ​രെ റേ​ഞ്ചി​ല്ല. സിം ​വി.​ഐ ആ​ണ്. മ​ഴ​യെ ശ​പി​ച്ചു​കൊ​ണ്ട് ഈ​യാം​പാ​റ്റ​ക​ൾ പു​റ​ത്തെ​ത്തി. ദൂ​രെ വീ​ടി​ന്റെ ഉ​മ്മ​റ​ത്ത് മൊ​ബൈ​ലി​ന്റെ വെ​ളി​ച്ചം​ക​ണ്ട​വ​ർ കൂ​ട്ട​ത്തോ​ടെ പ​ലാ​യ​നം ചെ​യ്തു. ചെ​ക്ക​ന്റെ ഫോ​ണി​ൽ നെ​റ്റ് ഭ​യ​ങ്ക​ര സ്പീ​ഡാ​ണ്. വൈ​ഫൈ ക​ണ​ക്ഷ​ൻ ചോ​ദി​ച്ചെ​ങ്കി​ലും അ​വ​ൻ കേ​ട്ട​ഭാ​വം ന​ടി​ക്കു​ന്നി​ല്ല. പാ​റ്റ​ക​ൾ മൊ​ബൈ​ലി​നു ചു​റ്റും വ​ട്ട​മി​ട്ട് അ​വ​നോ​ടു കെ​ഞ്ചി. ദേ​ഷ്യം​വ​ന്ന അ​വ​ന​വ​രെ ഞെ​ക്കി​ക്കൊ​ന്നു. പ​രു​ക്കോ​ടെ അ​വി​ടെ​നി​ന്ന് ര​ക്ഷ​പ്പെ​ട്ട ചി​ല​ർ ഹൃ​ദ​യാ​ഘാ​തം മൂ​ലം മ​രി​ച്ചു.

മെ​ഴു​കു​തി​രി

‘പ​ട്ടി​ണി​കാ​ര​ണം വീ​ട്ട​മ്മ മ​രി​ച്ചു’. വാ​ർ​ത്ത കേ​ട്ട​യു​ട​നെ മ​ന്ത്രി അ​വ​രു​ടെ വീ​ട്ടി​ലെ​ത്തി. മു​ഖ​ത്ത് വി​ഷാ​ദ​മാ​യ ഇ​മോ​ജി​യും ഫി​റ്റ് ചെ​യ്ത് ശ​വ​ത്തി​ന്റെ നെ​ഞ്ച​ത്തു​ത​ന്നെ റീ​ത്തു​വ​ച്ചു. ദാ​ഹി​ച്ചു​വ​ല​ഞ്ഞ മെ​ഴു​കു​തി​രി​ക്കു സ​മീ​പം ആ ​സ്ത്രീ​യു​ടെ ഫോ​ട്ടോ അ​യാ​ൾ ശ്ര​ദ്ധി​ച്ചു. ‘പ​ണ്ട് വോ​ട്ട​ഭ്യ​ർ​ഥി​ക്കാ​ൻ ചെ​ന്ന​പ്പോ​ൾ നി​ർ​ബ​ന്ധി​ച്ച് വീ​ട്ടി​ലേ​ക്ക് ക്ഷ​ണി​ച്ച് ക​ഞ്ഞി വി​ള​മ്പി​ത്ത​ന്ന അ​മ്മ’.

വ​ര​നെ ആ​വ​ശ്യ​മു​ണ്ട്

അ​തി​രാ​വി​ലെ വ​യ​ലി​ലേ​ക്കി​റ​ങ്ങി​യ​താ​ണെ​ങ്കി​ലും അ​തി​ന്റെ യാ​തൊ​രു ക്ഷീ​ണ​വും വ​ക​വ​യ്ക്കാ​തെ അ​രി​വാ​ളും ക​ല​പ്പ​യും ഉ​മ്മ​റ​ത്തി​ട്ട് കോ​ലാ​യി​ലെ പ​ത്രം കൈ​യേ​റി. ആ​ദ്യ​പേ​ജി​ലെ ചൂ​ടേ​റി​യ വാ​ർ​ത്ത​ക​ൾ പാ​ടെ അ​വ​ഗ​ണി​ച്ച് അ​ടു​ത്ത പേ​ജു​ക​ൾ മ​റി​ക്കാ​ൻ തു​ട​ങ്ങി. അ​വ​സാ​ന​മൊ​രു പേ​ജി​ലെ​ത്തി​യ​പ്പോ​ൾ അ​യാ​ളു​ടെ വി​ര​ലു​ക​ൾ നി​ല​ച്ചു.
‘വ​ര​നെ ആ​വ​ശ്യ​മു​ണ്ട്...’
വ​ധു​വീ​ട്ടു​കാ​രു​ടെ ആ​വ​ശ്യ​ങ്ങ​ൾ ഓ​രോ​ന്നും ആ​വേ​ശ​ത്തോ​ടെ വാ​യി​ച്ചു. അ​തി​ൽ എ​ൻ​ജി​നീ​യ​ർ മു​ത​ൽ വാ​ട​ക​പീ​ടി​ക​ക്കാ​ര​നെ വ​രെ ക​ണ്ടെ​ങ്കി​ലും ‘ക​ർ​ഷ​ക​നെ’ മാ​ത്രം ക​ണ്ടി​ല്ല. അ​യാ​ൾ ആ​ലോ​ചി​ച്ചു. ‘വെ​റു​തെ​യ​ല്ല തൊ​ട്ട​പ്പു​റ​ത്തു​ള്ള ന​ര​മൂ​ത്ത ക​ർ​ഷ​ക​ൻ പു​ര​യും ക​ല​പ്പ​യും വി​റ്റ് മ​ക​നെ പ​ഠി​പ്പി​ക്കാ​ൻ വി​ട്ട​ത് ’.

വൃ​ദ്ധ​സ​ദ​നം

നാ​ട്ടി​ൽ യു​വാ​ക്ക​ളു​ടെ നി​ർ​ബ​ന്ധം മൂ​ല​മാ​ണ് അ​വ​ൻ വൃ​ദ്ധ​സ​ദ​നം തു​ട​ങ്ങി​യ​ത്. അ​തി​ലേ​ക്ക് ആ​ദ്യ അ​ഡ്മി​ഷ​നാ​യി അ​ച്ഛ​നെ ത​ന്നെ ചേ​ർ​ത്തു. ഉ​ദ്ഘാ​ട​ന​വേ​ദി​യി​ൽ ഘോ​ര​മാ​യി അ​വ​ൻ പ്ര​സം​ഗി​ച്ചു. ‘ആ​ദ്യ​ത്തെ അം​ഗ​മാ​യി എ​ന്റെ അ​ച്ഛ​ൻ നി​ങ്ങ​ളു​ടെ കൂ​ടെ​യു​ണ്ട്...’
വ​ർ​ഷ​ങ്ങ​ൾ​ക്കി​പ്പു​റം വാ​ർ​ധ​ക്യം ബാ​ധി​ച്ച അ​വ​നെ​യും ത​ന്റെ മ​ക​ൻ ആ ​വ​ർ​ഷ​ത്തെ ആ​ദ്യ അ​ഡ്മി​ഷ​നാ​യി ചേ​ർ​ത്തു. മു​പ്പ​ത്തി​യ​ഞ്ചാം വാ​ർ​ഷി​ക​ത്തി​ൽ ആ ​മ​ക​ൻ പ്ര​സം​ഗി​ച്ചു. ‘ഈ ​സം​രം​ഭ​ത്തി​ന്റെ തു​ട​ക്ക​ക്കാ​ര​നാ​യ എ​ന്റെ അ​ച്ഛ​നും നി​ങ്ങ​ളോ​ടൊ​പ്പ​മു​ണ്ട്...’
എ​ല്ലാം കേ​ട്ടി​രി​ക്കു​ന്ന അ​യാ​ളു​ടെ അ​ഞ്ചാം ക്ലാ​സി​ൽ പ​ഠി​ക്കു​ന്ന മ​ക​നെ ചേ​ർ​ത്തു​പി​ടി​ച്ച് മു​ത്ത​ച്ഛ​ൻ പ​തി​യെ പ​റ​ഞ്ഞു കൊ​ടു​ത്തു. ‘മോ​നും അ​ച്ഛ​ൻ മാ​തൃ​ക​യാ​ക്കി​യ ഈ ​പ്ര​വ​ർ​ത്ത​നം ഒ​രു മു​ട​ക്ക​വും കൂ​ടാ​തെ തു​ട​ർ​ന്നു​കൊ​ണ്ട് പോ​ക​ണം...’
അ​തി​ന് സ​മ്മ​ത​മെ​ന്നോ​ണം മു​ത്ത​ച്ഛ​നോ​ടൊ​പ്പം അ​വ​നും വേ​ദി​യി​ൽ പ്ര​സം​ഗി​ക്കു​ന്ന അ​ച്ഛ​നെ കൈ​യ​ടി​ച്ച് പ്രോത്സാ​ഹി​പ്പി​ച്ചു.
•