മലപ്പുറം: സംസ്ഥാന നിയമ സേവന അതോരിറ്റി (കെല്‍സ)യുടെ ആഭിമുഖ്യത്തില്‍ പ്ലസ് വണ്‍, പ്ലസ്ടു വിദ്യാര്‍ഥികള്‍ക്ക് സ്‌കൂള്‍ - താലൂക്ക് - ജില്ലാ-സംസ്ഥാനതലങ്ങളിലായി ക്വിസ് മത്സരം നടത്തും.   സ്‌കൂള്‍തല മത്സരം ഒക്‌റ്റോബര്‍ ഒന്നിന് രാവിലെ 11 മുതല്‍ 12 വരെ നടക്കും. കൊണ്ടോട്ടി ലീഗല്‍ സര്‍വീസ് അതോറിറ്റി രൂപീകരിച്ചിട്ടില്ലാത്തതിനാല്‍ ഇവിടെ നിന്നുള്ളവര്‍ താലൂക്ക് രൂപീകരിക്കുന്നതിന് മുമ്പുള്ള താലൂക്കിലെ ലീഗല്‍ സര്‍വീസ് അതോറിറ്റിയുമായി ബന്ധപ്പെടണം. നവംബര്‍ അഞ്ചിനാണ് താലൂക്ക്തല മത്സരം. താലൂക്ക് തലത്തില്‍ കൂടുതല്‍ മാര്‍ക്ക് നേടുന്ന രണ്ടു ടീമുകള്‍ക്ക് ഡിസംബര്‍ മൂന്നിന് നടക്കുന്ന ജില്ലാതല മല്‍സരത്തില്‍ പങ്കെടുക്കാം. ജില്ലാതല മത്സരത്തില്‍ ഏറ്റവും കൂടുതല്‍ മാര്‍ക്ക് നേടുന്ന ഒരു ടീമിനെ സംസ്ഥാനതലത്തിലേക്ക് തിരഞ്ഞെടുക്കും. സംസ്ഥാനതലത്തില്‍ ഒരു ടീമിനു മല്‍സരിക്കാം.
സംസ്ഥാനത്ത് ഒന്നും രണ്ടും സ്ഥാനം നേടുന്നവര്‍ക്ക് പ്ലസ്ടു പരീക്ഷയില്‍ യഥാക്രമം അഞ്ച്, മൂന്ന് ഗ്രേസ് മാര്‍ക്ക് നല്‍കും. ഫോണ്‍: ഏറനാട് 9946395589 (ജില്ലാ കോടതി, മഞ്ചേരി), നിലമ്പൂര്‍ 9567776445 (മജിസ്‌ട്രേറ്റ് കോടതി നിലമ്പൂര്‍), പെരിന്തല്‍മണ്ണ 8606052750 (മുന്‍സിഫ് മജിസ്‌ട്രേറ്റ് കോടതി, പെരിന്തല്‍മണ്ണ), തിരൂര്‍ 9497159998 (എം.എ.സി.ടി കോടതി തിരൂര്‍), തിരൂരങ്ങാടി 9495179908 (മുന്‍സിഫ് കോടതി പരപ്പനങ്ങാടി), പൊന്നാനി 9946072688 (മുന്‍സിഫ് കോടതി പൊന്നാനി. ജില്ലാ ലീഗല്‍ സര്‍വീസസ് അതോറിറ്റി  9846374486.