കോഴിക്കോട്: മലബാറിലെ പര്യടനവുമായി ശശി തരൂർ മുന്നോട്ട്. ഇന്ന് കോഴിക്കോട്ടുള്ള ശശി തരൂർ, മുസ്ലിം ലീഗിന്റെ പിന്തുണ ഉറപ്പാക്കുന്നതിന്റെ ഭാഗമായി നാളെ പാണക്കാട്ട് എത്തും. ഇവിടെ വെച്ച് മുസ്ലിം ലീഗ് നേതാക്കളുമായി തരൂർ ചർച്ച നടത്തും.

അന്തരിച്ച പ്രശസ്ത സാഹിത്യകാരൻ ടി.പി രാജീവന്റെ കോഴിക്കോട്ടെ വീടാണ് ഇന്ന് തരൂർ ആദ്യം സന്ദർശിക്കുക. ശേഷം മാഹി കലാഗ്രാമത്തിൽ നടക്കുന്ന ചടങ്ങിലും പങ്കുചേരും.

ബുധനാഴ്ച കണ്ണൂരിലെ വിവിധ പരിപാടികളിലും പങ്കെടുക്കും. തരൂർ പങ്കെടുക്കാനിരുന്ന സെമിനാറിൽ നിന്നും യൂത്ത് കോൺഗ്രസ് ജില്ലാ കമ്മിറ്റി പിന്മാറിയ നടപടി വിവാദങ്ങൾക്ക് വഴിവെച്ചിരുന്നു.

സംഭവത്തിൽ അന്വേഷണം വേണമെന്ന് എം.കെ രാഘവൻ എം.പി ഇന്നലെ ആവശ്യപ്പെട്ടിട്ടുണ്ട്. അന്വേഷണം ആവശ്യപ്പെട്ടതിനെ പിന്തുണയ്ക്കുന്നതായി തരൂരും പ്രതികരിച്ചു.