കൊച്ചി: പൊലിസ് പൊതുജനങ്ങളെ എടാ, പോടാ എന്ന് വിളിക്കുന്നത് നിര്‍ത്തണമെന്നു ഹൈക്കോടതി. പൊതുജനങ്ങളുമായി ഇടപഴകുമ്പോള്‍ പൊലിസ് മാന്യമായി ഇടപെടണം.
പൊലിസ് ഭാഷ ഉപയോഗിക്കുമ്പോള്‍ അതിര് കടക്കരുത്. പൊലിസ് ജനങ്ങളുമായി ഇടപഴകുമ്പോള്‍ പാലിക്കേണ്ട മര്യാദകളെക്കുറിച്ച് ഡി.ജി.പി പ്രത്യേക സര്‍ക്കുലര്‍ ഇറക്കണമെന്നും കോടതി നിര്‍ദേശിച്ചു.
തൃശൂര്‍ ചേര്‍പ്പ് പൊലിസ് സ്റ്റേഷനുമായി ബന്ധപ്പെട്ട പൊലിസ് അക്രമത്തിനെതിരായ കേസ് പരിഗണിക്കുമ്പോഴാണ് കോടതി ഇക്കാര്യങ്ങള്‍ നിരീക്ഷിച്ചത്.
ജസ്റ്റിസ് ദേവന്‍ രാമചന്ദ്രന്‍ അധ്യക്ഷനായ ബെഞ്ചാണ് കേസ് പരിഗണിച്ചത്. കേരളത്തില്‍ പൊലിസിന്റെ പെരുമാറ്റത്തിനെതിരേ വ്യാപകമായ ആരോപണങ്ങള്‍ ഉയര്‍ന്നു വരുന്ന സാഹചര്യത്തിലാണ് കോടതിയുടെ ഇടപെടലുണ്ടായത്.