മലപ്പുറം: ഇന്ത്യൻ യൂനിയൻ മുസ്‌ലിം ലീഗ് രൂപീകരണത്തിന്റെ പ്ലാറ്റിനം ജൂബിലി ആഘോഷ പരിപാടികളുടെ ലോഗോ പ്രകാശനം നാളെ ഉച്ചയ്ക്ക് 12ന് മലപ്പുറം ലീഗ് ഹൗസിൽ നടക്കും. ദേശീയ പ്രസിഡന്റ് പ്രൊഫ. ഖാദർ മൊയ്തീന്റെ സാന്നിധ്യത്തിൽ മുസ്‌ലിം ലീഗ് ദേശീയ രാഷ്ട്രീയകാര്യ സമിതി അധ്യക്ഷൻ പാണക്കാട് സയ്യിദ് സാദിഖലി ശിഹാബ് തങ്ങൾ പ്രകാശനം നിർവഹിക്കും.
ദേശീയ സംസ്ഥാന ഭാരവാഹികൾ, സംസ്ഥാന സമിതി അംഗങ്ങൾ, പോഷക സംഘടനാ ദേശീയ സംസ്ഥാന ഭാരവാഹികൾ എന്നിവർ ചടങ്ങിൽ പങ്കെടുക്കണമെന്ന് മുസ്‌ലിം ലീഗ് ദേശീയ ജനറൽ സെക്രട്ടറി പി.കെ കുഞ്ഞാലിക്കുട്ടി അഭ്യർഥിച്ചു. 2023 മാർച്ച് 10ന് ചെന്നൈയിലാണ് പ്ലാറ്റിനം ജൂബിലി ആഘോഷം.