ഫലസ്തീൻ ജനതക്ക് കുവൈത്തിന്റെ സ്നേഹം; സഹായവുമായി അഞ്ചാമത്തെ വിമാനം പറന്നു

കു​വൈ​ത്ത് സി​റ്റി: ഇസ്‌റാഈലിന്റെ ക്രൂരതയിൽ ദുരിതമനുഭവിക്കുന്ന ഫലസ്തീനികൾക്ക് കരുണയുടെ കരങ്ങൾ നീട്ടി കുവൈത്ത്. ഗസ്സയിലെ ജനങ്ങൾക്ക് വേണ്ടി സാധന സാമഗ്രികളുമായി അ​ഞ്ചാ​മ​ത്തെ ദു​രി​താ​ശ്വാ​സ വി​മാ​നം ഈജിപ്‌തിയിലേക്ക് പറന്നു. 10 ട​ൺ മെ​ഡി​ക്ക​ൽ സാ​മ​ഗ്രി​കളുമായാണ് ഈ വിമാനം പുറപ്പെട്ടത്. ഇതുവരെ ആകെ 110 ടൺ സാമഗ്രികളാണ് ഇതുവരെ ഫലസ്തീൻ ജനതക്കായി കുവൈത്ത് അയച്ചത്.

ഗ​സ്സ​യി​ലേ​ക്ക് 40 ട​ൺ ദു​രി​താ​ശ്വാ​സ സാ​മ​ഗ്രി​ക​ളു​മാ​യി ആ​ദ്യ വി​മാ​നം തി​ങ്ക​ളാ​ഴ്ച​യാ​ണ് കു​വൈ​ത്തി​ൽ നി​ന്ന് പു​റ​പ്പെ​ട്ട​ത്. പി​റ​കെ ദി​വ​സ​വും ഓ​രോ വി​മാ​ന​ങ്ങ​ൾ അ​യ​ച്ചു. നിലവിൽ അയക്കുന്ന സഹായങ്ങൾ ഒന്നും മതിയാകാതെ വരുന്ന അത്ര രൂക്ഷമാണ് ഫലസ്തീനിലെ കാര്യങ്ങൾ എന്നതിനാൽ കുവൈത്ത് സഹായം അയക്കുന്നത് തുടരും.

സർക്കാരും മറ്റു സ്ഥാപനങ്ങളും സന്നദ്ധ സംഘടനകളുടെയും നേതൃത്വത്തിൽ ശേഖരിച്ച വസ്തുക്കളാണ് കുവൈത്ത് കയറ്റി അയക്കുന്നത്. സഹായമായി പണം നൽകുന്നവരും വസ്തുക്കൾ നൽകുന്നവരും ഉണ്ട്. ഇതെല്ലം ഏകോപിപ്പിച്ച് വസ്തുക്കൾ പ്രത്യേകം പെട്ടികളാക്കി പേയ്ക്ക് ചെയ്താണ് അയക്കുന്നത്. ഇതിലെല്ലാം നിരവധി പേരാണ് സന്നദ്ധ സേവകരായി പങ്കെടുക്കുന്നത്. കു​വൈ​ത്ത് നേ​തൃ​ത്വ​ത്തി​ന്റെ നി​ർ​ദേ​ശ​ങ്ങ​ൾ​ക്ക​നു​സൃ​ത​മാ​യാ​ണ് സ​ഹാ​യ വി​ത​ര​ണം നടത്തി വരുന്നത്