തിരുവനന്തപുരം: അര്‍ജന്റീന ആദ്യ മത്സരത്തില്‍ തന്നെ സൗദി അറേബ്യയോട് തോറ്റതിന് കാരണം കണ്ടെത്തി വി.ടി. ബല്‍റാം. ങാ.. ചുമ്മാതല്ല എന്ന അടിക്കുറിപ്പോടെയാണ് ബല്‍റാം ചിത്രം പങ്കുവെച്ചത്. തന്റെ സുഹൃത്തുക്കളും പാര്‍ട്ടിയിലെ സഹപ്രവര്‍ത്തകരുമായ എം.എല്‍.എ ഷാഫി പറമ്പിലും യൂത്ത് കോണ്‍ഗ്രസ് നേതാവായ രാഹുല്‍ മാങ്കൂട്ടത്തിലും ഖത്തറില്‍ അര്‍ജന്റീനയുടെ കളി കാണാനെത്തിയിരുന്നു.

ഇരുവരും ഗ്യാലറിയില്‍ അര്‍ജന്റീനയുടെ ജഴ്‌സി ധരിച്ച് കൂളിങ് ഗ്ലാസ് ധരിച്ച് നില്‍ക്കുന്ന ചിത്രമാണ് അടിക്കുറിപ്പോടെയാണ് ബല്‍റാം ചിത്രം പങ്കുവെച്ചത്. ഷാഫിയും രാഹുലുമൊക്കെ കളി കാണാനെത്തിയതുകൊണ്ടാണ് അര്‍ജന്റീന തോറ്റതെന്ന് ഹാസ്യരൂപത്തില്‍ അവതരിപ്പിക്കുകയായിരുന്നു ബല്‍റാം.

അര്‍ജന്റീനയുടെ തോല്‍വിക്ക് പിന്നാലെ സാമൂഹിക മാധ്യമങ്ങളില്‍ രസകരമായ ട്രോളുകളുടെ ഒഴുക്കാണ്. ലയണല്‍ മെസ്സിയുടെ നേതൃത്വത്തിലെത്തിയ വമ്പന്‍ താരനിരയെ അട്ടിമറിച്ചാണ് സൗദി ആദ്യ മത്സരത്തില്‍ ചരിത്ര വിജയം സ്വന്തമാക്കിയത്. ആദ്യ പകുതിയില്‍ മെസ്സിയുടെ പെനാല്‍ട്ടി ഗോളില്‍ മുന്നിട്ടു നിന്നിരുന്ന അര്‍ജന്റീനയെ രണ്ടാം പകുതിയില്‍ സഊദി നിഷ്പ്രഭമാക്കുകയായിരുന്നു.