ഓവല്‍: ഇംഗ്ല@ണ്ടിനെതിരായ നാലാം ക്രിക്കറ്റ് ടെസ്റ്റില്‍ ഇന്ത്യ മികച്ച ലീഡിലേക്ക്. ഇംഗ്ലണ്ടിന്റെ സ്‌കോര്‍ പിന്തുടര്‍ന്ന് ഇറങ്ങിയ ഇന്ത്യക്ക് മികച്ച തുടക്കമാണ് ലഭിച്ചത്. രോഹിത് ശര്‍മയുടെ ബാറ്റിങ്ങിന്റെ കരുത്തിലായിരുന്നു ഇന്ത്യ മികച്ച ടോട്ടല്‍ പടുത്തുയര്‍ത്തിയത്.
ഒന്നാമിന്നിങ്‌സില്‍ 99 റണ്‍സിന്റെ ലീഡ് വഴങ്ങിയ ശേഷം ര@ണ്ടാമിന്നിങ്‌സില്‍ ബാറ്റിങിനിറങ്ങിയ ഇന്ത്യ രണ്ട@ാംദിനം സ്റ്റംപെടുക്കുമ്പോള്‍ വിക്കറ്റ് നഷ്ടമില്ലാതെ 43 റണ്‍സെടുത്തിരുന്നു. മൂന്നാം ദിനം ഇന്ത്യ നടത്തിയ മികച്ച ബാറ്റിങ്ങാണ് കൂടുതല്‍ ലീഡ് നല്‍കിയത്. കെ.എല്‍ രാഹുലിനെ മാത്രമാണ് ഇന്ത്യക്ക് തുടക്കത്തില്‍ നഷ്ടമായത്. അര്‍ധ സെഞ്ചുറിക്കരികെയായിരുന്നു രാഹുലിന്റെ വിക്കറ്റ് നഷ്ടമായത്. ജെയിംസ് ആന്‍ഡേഴ്‌സന്റെ പന്തില്‍ ജോണി ബയറിസ്റ്റോയാണ് രാഹുലിനെ പിടിച്ചുപുറത്താക്കിയത്. പിന്നീടെത്തിയ പൂജാര രോഹിത്തിനൊപ്പം വന്‍മതിലായി നിന്നു. രോഹിത് ശര്‍മ സെഞ്ചുറി പൂര്‍ത്തിയാക്കിയപ്പോള്‍ പൂജാര അര്‍ധ സെഞ്ചുറി പോലം കടന്നിരുന്നില്ല. എന്നാല്‍ 127 റണ്‍സില്‍ രോഹിത് ശര്‍മയും വീണു. 256 പന്തില്‍ നിന്നായിരുന്നു രോഹിത് ശര്‍മ 127 റണ്‍സ് നേടിയത്. സ്‌കോര്‍ 94 ല്‍ നില്‍ക്കെ സിക്‌സര്‍ നേടിയായിരുന്നു രോഹിത് സെഞ്ചുറി പൂര്‍ത്തിയാക്കിയത്. ഇതോടെ ടെസ്റ്റില്‍ കൂടുതല്‍ തവണ സിക്‌സറടിച്ച് 100ലെത്തിയ ര@ണ്ടാമത്തെ ഇന്ത്യന്‍ താരമായി അദ്ദേഹം മാറി.
ഇതു മൂന്നാം തവണയാണ് ഹിറ്റ്മാന്‍ സിക്‌സര്‍ പറത്തി സെഞ്ചുറി നേട്ടം കൈവരിച്ചത്. ഇനി സച്ചിന്‍ ടെണ്ട@ുല്‍ക്കര്‍ മാത്രമേ അദ്ദേഹത്തിനു മുന്നിലുള്ളൂ. മാസ്റ്റര്‍ ബ്ലാസ്റ്റര്‍ ആറു തവണയാണ് സിക്‌സറടിച്ച് ടെസ്റ്റില്‍ സെഞ്ചുറി തികച്ചിട്ടുള്ളത്.
ഓലി റോബിണ്‍സന്റെ പന്തില്‍ ക്രിസ് വോക്‌സ് ക്യാച്ച് ചെയ്തായിരുന്നു രോഹിത് പുറത്തായത്. രോഹിതിന് ശേഷം വിരാട് കോഹ്‌ലിയായിരുന്നു ക്രീസിലെത്തിയത്. എന്നാല്‍ അധികം വൈകാതെ പൂജാരയേയും ഇന്ത്യക്ക് നഷ്ടമായി. 127 പന്തില്‍ നിന്ന് 61 റണ്‍സ് നേടിയാണ് പൂജാര മടങ്ങിയത്. ഓലി റോബിന്‍സന്റെ പന്തില്‍ മോയിന്‍ അലി പിടിച്ച് പുറത്താക്കുകയായിരുന്നു. ഇന്ത്യക്ക് 200 റണ്‍സിന് മുകളില്‍ ലീഡ് നേടാന്‍ കഴിഞ്ഞാല്‍ നാലാം ടെസ്റ്റില്‍ ഇന്ത്യക്ക് പ്രതീക്ഷക്ക് വകയുണ്ട്.