തളിപ്പറമ്പ് : കേവലം മൂന്ന് മാസം കൊണ്ടുതന്നെ ഇത്രയും വെറുക്കപ്പെട്ട ഒരു സര്‍ക്കാര്‍ ഇതിനു മുമ്പ് കേരളത്തിലുണ്ടായിട്ടില്ലെന്ന് യു.ഡി.എഫ് ജില്ലാ ചെയര്‍മാന്‍ എ.ഡി.മുസ്തഫ. തളിപ്പറമ്പ് നിയോജക മണ്ഡലം യു.ഡി.എഫ് യോഗം ഉദ്ഘാടനം ചെയ്ത് സംസാരിക്കുകയായിരുന്നു ഇദ്ദേഹം. ഒരു മേഖലയിലും ചലനാത്മകത സൃഷ്ടിക്കാന്‍ കഴിയാത്ത ഇടതുസര്‍ക്കാരിനെ തുടക്കത്തില്‍ തന്നെ ജനങ്ങള്‍ വെറുത്തുകഴിഞ്ഞിരിക്കുകയാണ്. യു.ഡി.എഫ് സര്‍ക്കാര്‍ നടപ്പിലാക്കിയ ജനക്ഷേമ പദ്ധതികളും, വികസന പ്രവര്‍ത്തനങ്ങളും എല്‍.ഡി.എഫ് സര്‍ക്കാര്‍ അട്ടിമറിക്കുകയാണെന്നും എ.ഡി.മുസ്തഫ കൂട്ടിച്ചേര്‍ത്തു. കെ.കെ അബ്ദുറഹ്മാന്‍ അധ്യക്ഷനായി. ടി ജനാര്‍ദ്ദനന്‍, ജോര്‍ജ് വടകര, അള്ളാംകുളം മഹമ്മൂദ്, ഇ.ടി രാജീവന്‍, സി.പി.വി അബ്ദുള്ള, ടി.എം പ്രേംകുമാര്‍, കെ മുസ്തഫ, എം കുഞ്ഞിക്കണ്ണന്‍, രജനി രമാനന്ദ് സംസാരിച്ചു.