ദോഹ: ഖത്തര്‍ ലോകകപ്പിലെ ഗ്രൂപ്പ് ഡിയില്‍ നടന്ന നിര്‍ണായക മത്സരത്തില്‍ ഓസ്‌ട്രേലിയക്ക് വിജയം. ടുണീഷ്യയെ 1-0നാണ് ഓസ്‌ട്രേലിയ പരാജയപ്പടുത്തിയത്. അല്‍ ജനോബ് സ്റ്റേഡിയത്തില്‍ നടന്ന പോരാട്ടത്തില്‍ ഒരു ഗോള്‍ ലീഡിനുശേഷം പ്രതിരോധകോട്ടകെട്ടിയാണ് ഓസ്‌ട്രേലിയയെയാണ് കാണാനായത്.

ടുണീഷ്യയും ഓസ്‌ട്രേലിയയും തമ്മിലുള്ള പോരാട്ടം ആദ്യ പകുതി പിന്നിടുമ്പോള്‍ ഒരു ഗോളിന് ഓസീസ് മുന്നിലായിരുന്നു. 23ാം മിനിറ്റില്‍ മിച്ചല്‍ ഡ്യൂകിന്റെ മഴവില്‍ ഹെഡ്ഡര്‍ വലയിലായതോടെയാണ് ഓസ്‌ട്രേലിയ ഒന്ന് പൂജ്യത്തിന് മുന്നിലെത്തിയത്.