മലപ്പുറം: പ്ലസ് വണ്‍ പ്രവേശനത്തിനുള്ള ഓണ്‍ലൈന്‍ അപേക്ഷാ സമര്‍പ്പണത്തിന്റെ സമയ പരിധി ഇന്ന് അവസാനിക്കും. ഇന്നലെ വരെ 4,64,466 വിദ്യാര്‍ഥികള്‍ അപേക്ഷിച്ചെങ്കിലും കണ്‍ഫര്‍മേഷന്‍ നല്‍കിയത് 4,60,153 പേരാണ്. അപേക്ഷകരില്‍ 4, 17, 724 പേരും സംസ്ഥാന സിലബസില്‍ പഠിച്ച വിദ്യാര്‍ഥികളാണ്.സി.ബി.എസ്.ഇ സിലബസില്‍ പത്താം ക്ലാസ് പാസായ 30411 വിദ്യാര്‍ഥികളും ഐ.സി.എസ്.ഇ സിലബസലിലെ 3274 വിദ്യാര്‍ഥികളും മറ്റു വിവിധ ബോര്‍ഡുകളില്‍ പത്താം ക്ലാസ് വിജയിച്ച 8744 പേരുമാണ് പ്ലസ് വണ്‍ പ്രവേശനത്തിനായി അപേക്ഷ നല്‍കിയത്. അപേക്ഷകരില്‍ കൂടുതല്‍ വിദ്യാര്‍ഥികള്‍ മലപ്പുറത്തും കുറവ് വയനാട്ടിലുമാണ്.