വരന്തരപ്പിള്ളി: മുപ്ലിയം പൊട്ടന്‍പാടത്ത് സ്വകാര്യ വ്യക്തിയുടെ വളപ്പില്‍ നിന്നും മണ്ണെടുപ്പ് തടഞ്ഞ ആറ് പേരെ വരന്തരപ്പിള്ളി പൊലിസ് അറസ്റ്റ് ചെയ്തു. മുപ്ലിയം അരീക്കാടന്‍ വീട്ടില്‍ ജോണ്‍ (56), നൊച്ചിയില്‍ ഭാസ്‌കരന്‍(52), പണിക്കാട്ടില്‍ വിജീഷ് (37), എളന്തോളി അജിത്കുമാര്‍ (50), താണിപറമ്പില്‍ ശങ്കരന്‍കുട്ടി (42), നൊച്ചിയില്‍ ജയപ്രകാശ് (46) എന്നിവരെയാണ് അറസ്റ്റ് ചെയ്തത്.
ഇവരെ പിന്നീട് ജാമ്യത്തില്‍ വിട്ടയച്ചതായി പൊലിസ് പറഞ്ഞു. നിബന്ധനകള്‍ക്ക് വിധേയമായി കോടതിയുടെ അനുമതിയോടെ ആണ് മുപ്ലിയം പൊട്ടന്‍പാടം സ്വദേശി തന്റെ വളപ്പില്‍ നിന്നും മണ്ണ് എടുത്തത്. അതെ സമയം നിബന്ധനകള്‍ ലംഘിച്ചതിനാലാണ് മണ്ണെടുപ്പ് തടഞ്ഞതെന്ന് നാട്ടുകാരും പറഞ്ഞു.