വടക്കാഞ്ചേരി: സംസ്ഥാനപാതയില്‍ അകമല ബ്ലോക്ക് പഞ്ചായത്ത് ഓഫിസിന് തൊട്ടുള്ള അപകട വളവില്‍ ബൈക്ക് നിയന്ത്രണം വിട്ട് മറിഞ്ഞ് രണ്ട് യുവാക്കള്‍ക്ക് പരുക്കേറ്റു. പഴയന്നൂര്‍ സ്വദേശികളായ പ്രജീഷ് (24), കിഷോര്‍ (21) എന്നിവര്‍ക്കാണ് പരുക്കേറ്റത്.
കഴിഞ്ഞ രാത്രി 11.15 ഓടെയാണ് അപകടം. വടക്കാഞ്ചേരി ഭാഗത്ത് നിന്ന് പഴയന്നൂരിലേക്ക് പോവുകയായിരുന്നു യുവാക്കള്‍.
മുഖത്ത് പരുക്കേറ്റ പ്രജീഷിനേയും കാലൊടിഞ്ഞ നിലയില്‍ കണ്ടെത്തിയ കിഷോറിനേയും വടക്കാഞ്ചേരിയില്‍ നിന്നെത്തിയ ആക്ട്‌സ് പ്രവര്‍ത്തകര്‍ മുളങ്കുന്നത്ത്കാവ് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.