ന്യൂഡല്‍ഹി: ബി.ജെ.പി അഞ്ചാംഘട്ട സ്ഥാനാര്‍ഥി പട്ടിക പ്രഖ്യാപിച്ചു. കേരളത്തില്‍ നാലു മണ്ഡലങ്ങളിലേക്ക് ഉള്‍പ്പെടെയാണു പ്രഖ്യാപനം. വയനാട്ടില്‍ കെ. സുരേന്ദ്രനാണു മത്സരിക്കുന്നത്.അഞ്ചാംഘട്ട പട്ടികയില്‍ 111 മണ്ഡലങ്ങളിലേക്കുള്ള സ്ഥാനാര്‍ഥികളെയാണു പ്രഖ്യാപിച്ചിരിക്കുന്നത്. ഇക്കൂട്ടത്തിലാണ് കേരളത്തില്‍ അവശേഷിക്കുന്ന സീറ്റുകളിലേക്കുള്ള സ്ഥാനാര്‍ഥികള്‍കൂടി ഉള്‍പ്പെട്ടിട്ടുള്ളത്. വയനാട്ടില്‍ സുരേന്ദ്രന്‍ എത്തുന്നുവെന്നതാണ് സര്‍പ്രൈസ്. എറണാകുളത്ത് കെ.എസ് രാധാകൃഷ്ണന്‍, ആലത്തൂരില്‍ ഡോ. ടി.എന്‍ സരസു, കൊല്ലത്ത് ജി കൃഷ്ണകുമാര്‍ എന്നിവരാണു മറ്റു സ്ഥാനാര്‍ഥികള്‍.