പട്ടാമ്പി: എസ്.കെ.എസ്.എസ്.എഫ് വിദ്യാഭ്യാസ വിഭാഗമായ ട്രന്‍ഡ് പാലക്കാട് എച്ച്.ആര്‍ വിങ് സംഘടിപ്പിക്കുന്ന 'ട്രന്‍ഡ് ട്യൂണ്‍ ഇന്‍ ട്രൈനിങ് പ്രോഗ്രാം ' ഇന്ന് ചെര്‍പ്പുളശ്ശേരി മലബാര്‍ പോളിടെക്‌നിക് കാംപസില്‍ നടക്കും. വൈകുന്നേരം 5.30 ന് രജിസ്‌ട്രേഷന്‍ നടക്കുമെന്ന് ഭാരവാഹികള്‍ അറിയിച്ചു.എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് ശിഹാബുദ്ദീന്‍ ജിഫ്രി തങ്ങള്‍ വല്ലപ്പുഴ ഉദ്ഘാടനം ചെയ്യും. നമ്മുടെ ഉത്തരവാദിത്തങ്ങള്‍ എന്ന വിഷയത്തില്‍ റഷീദ്  ബാഖവി എടപ്പാള്‍ ക്ലാസെടുക്കും. വിവിധ സമയങ്ങളിലായി സര്‍ഗ നിശ,സൂഫി മെഡിറ്റേഷന്‍,പ്രഭാത ചിന്ത, ഇസ്‌ലാമിക് യോഗ തുടങ്ങിയവ അരങ്ങേറും. മൊഡ്യൂള്‍ പ്രിപ്പേഷനില്‍ ജെ.സി.ഐ ഇന്റര്‍നാഷണല്‍ ട്രൈനര്‍ സലാം ക്ലാസെടുക്കും. അബ്ദുറഹ്മാന്‍ മരുതൂര്‍, സക്കീര്‍ മാസ്റ്റര്‍ നെല്ലായ, ബാബു മാസ്റ്റര്‍ അലനല്ലൂര്‍, ഫൈസല്‍ ഹുദവി, ശരീഫ് ഹുദവി ആനക്കര, കെ.പി.എ സമദ് മാസ്റ്റര്‍, ശമീര്‍ മാസ്റ്റര്‍ കൊടക്കാട്, സഈദ് ഹുദവി, കബീര്‍ അന്‍വരി നാട്ടുകല്‍, എം.എം ബഷീര്‍ മാസ്റ്റര്‍, റഷീദ് മാസ്റ്റര്‍ പള്ളിപ്പുറം വിവിധ സെഷനുകളില്‍ സംസാരിക്കും.