തിരുവനന്തപുരം: സംസ്ഥാന സ്‌കൂള്‍ കായികോത്സവത്തില്‍ അതിവേഗ ഓട്ടക്കാരായി മേഘയും അനുരാഗും. നൂറ് മീറ്ററില്‍ മത്സരിച്ച് സ്വര്‍ണം നേടിയ പാലക്കാട് പുളിയമ്പറമ്പ് സ്‌കൂള്‍ വിദ്യാര്‍ത്ഥിനിയായ മേഘയും(12.23 സെക്കന്റ്) തിരുവനന്തപുരം ജി.വി രാജയിലെ അനുരാഗുമാണ് (10.90 സെക്കന്റ്)അതിവേഗതാരങ്ങളായി തെരഞ്ഞെടുക്കപ്പെട്ടത്. കായിക മേളയില്‍ 133 പോയിന്റും 13 സ്വര്‍ണവുമായി പാലക്കാട് ജില്ല തന്നെയാണ് ഒന്നാം സ്ഥാനത്ത് തുടരുന്നത്. 56 പോയിന്റുമായി മലപ്പുറം ജില്ലയാണ് രണ്ടാം സ്ഥാനത്ത്. 55 പോയിന്റുമായി എറണാകുളം ജില്ല തെട്ടുപിന്നാലെയുണ്ട്.47 പോയന്റുള്ള കോട്ടയം ജില്ല നാലാമതും 36 പോയന്റുമായി കോഴിക്കോട് ജില്ല അഞ്ചാം സ്ഥാനത്തും നില്‍ക്കുന്നു.കാസര്‍കോട്, തൃശ്ശൂര്‍, തിരുവനന്തപുരം ജില്ലകള്‍ 33 പോയിന്റുമായി ആറാം സ്ഥാനത്താണ്.

കായികമേളയിലെ നിലവിലെ സ്‌കൂള്‍ ചാമ്പ്യന്മാരായ കോതമംഗലം മാര്‍ ബേസില്‍ സ്‌കൂളിനെ രണ്ടാം സ്ഥാനത്തേക്ക് പിന്തള്ളി മലപ്പുറം കടകശ്ശേരി ഐഡിയില്‍ ഇ എച്ച് എസ് എസ് ഉയര്‍ത്തുന്നത്. മത്സരയിനങ്ങളില്‍ 45 ഫൈനലുകളാണ് ഇതുവരെ പൂര്‍ത്തിയായത്. മലപ്പുറം ഐഡിയല്‍ ഇഎച്ച്എസ്എസ് കടകശ്ശേരി 37 പോയന്റും. കോതമംഗലം മാര്‍ ബേസില്‍സ് 30 പോയന്റും കുമരംപുത്തൂര്‍ കല്ലടി എച്ച് എസ് 28 പോയന്റുമായി ഇഞ്ചോടിഞ്ച് പോരാട്ടത്തിലാണ്.