തിരുവനന്തപുരം: സഭയില്‍ ചിരിപടര്‍ത്തി മുന്‍ സ്പീക്കര്‍ എം.ബി രാജേഷിനെ നിയന്ത്രിക്കാനുള്ള സ്പീക്കറുടെ ശ്രമം. മന്ത്രി എംബി രാജേഷിന്റെ പ്രസംഗം നീണ്ടതോടെ 'മിനിസ്റ്റര്‍ പ്ലീസ്, സമയം' എന്ന് സ്പീക്കര്‍ ഓര്‍മ്മപ്പെടുത്തുകയായിരുന്നു.

എന്നാല്‍ 'വളരെ പ്രധാനപ്പെട്ട നോട്ടീസ് ആയതുകൊണ്ടാണ്' എന്ന് പറഞ്ഞ് എംബി രാജേഷ് തുടര്‍ന്നു. പിന്നീട് സാധാരണ നമുക്കൊരു സമയമുണ്ട്. അതുകൊണ്ടാണ് എന്ന് പറഞ്ഞ് സ്പീക്കര്‍ സമയം നിയന്ത്രിച്ചു. ഇതോടെ സഭയില്‍ ചിരി പടര്‍ന്നു. മുന്‍പ് ഷംസീറിന്റെ പ്രസംഗം നീളുമ്പോള്‍ എംബി രാജേഷും ഇത്തരത്തില്‍ കര്‍ശനമായി റൂളിംഗ് നടപ്പാക്കിയിരുന്നു.

തിരുവനന്തപുരം കോര്‍പ്പറേഷന്‍ നിയമനക്കത്ത് വിവാദത്തിലെ അടിയന്തര പ്രമേയത്തില്‍ മറുപടി പറയുകയായിരുന്നു മന്ത്രി.