ദുബൈ: നഗരത്തിലെ ട്രാഫിക് നിയന്ത്രണം കാര്യക്ഷമാക്കുന്നതിനായി പുതിയ സാലിക് ഗേറ്റുകൾ സ്ഥാപിക്കാൻ ഒരുങ്ങുന്നതായി സാലിക് കമ്പിനിയുടെ സിഇഒ ഇബ്രാഹിം അൽ ഹദ്ദാദ് പറഞ്ഞു.എന്നാൽ പുതിയ ടോൾ ഗേറ്റുകൾ സ്ഥാപിക്കാനുള്ള തീരുമാനം ദുബൈ ട്രാൻസ്‌പോർട്ട് അതോറിറ്റിയുടേതാണെന്നും ഇത് ദുബൈ എക്‌സിക്യൂട്ടീവ് കൗൺസിലിന്റെ അനുമതിയെ ആശ്രയിച്ചിരിക്കുമെന്ന് അദ്ദേഹം വ്യക്തമാക്കി.

സർക്കാരിന്റെ പുതിയ വരുമാന സ്രോതസുകൾ വർധിപ്പിക്കുന്നതിന്റെ ഭാഗമായി ട്രാഫിക് മാനേജ്മെന്റ് പദ്ധതിയുടെ ഭാഗമായി 2007-ൽ ആർടിഎയാണ് ടോൾ ഗേറ്റുകൾ കൊണ്ടുവന്നത്. നഗരത്തിലെ പ്രധാന ഇടനാഴികളിലായി എട്ട് ടോൾ ഗേറ്റുകൾ സ്ഥാപിച്ചിട്ടുണ്ട്. ഷെയ്ഖ് സായിദ് റോഡിലടക്കം ഇതുവഴി ഈ വർഷം ആദ്യ പകുതിയിൽ 293 ദശലക്ഷം യാത്രകൾ രേഖപ്പെടുത്തി. 2022 ജനുവരി-ജൂൺ കാലയളവിൽ 98 ശതമാനം വർധനവ്. ടോൾ ഗേറ്റിലൂടെയുള്ള ഓരോ യാത്രയ്ക്കും നാല് ദിർഹമാണ് നിരക്ക്.

കൂടുതൽ ഗൾഫ് വാർത്തകൾ ലഭിക്കാൻ ഗ്രൂപ്പിൽ ജോയിൻ ചെയ്യുക https://chat.whatsapp.com/BRPMYfzNHhY2483Sqrze5o 

Content Highlights: Dubai with new Salik gates to control traffic