റിയാദ്: സഊദിയിൽ പ്രവേശിക്കുന്നവർക്ക് ക്വാറന്റൈൻ അഞ്ച് ദിവസമാക്കി ചുരുക്കി. പുതിയ നടപടിക്രമങ്ങൾ സിവിൽ എവിയേഷൻ അതൊരിറ്റിയാണ് പ്രഖ്യാപിച്ചത്. ജനറൽ അതോറിറ്റി ഓഫ് സിവിൽ ഏവിയേഷൻ എയർലൈനുകൾക്ക് നിർദേശം നൽകിയിട്ടുണ്ട്. രാജ്യത്ത് അംഗീകരിച്ച വാക്സിനുകൾ എടുക്കാത്തയാൾ യാത്ര പുറപ്പെടുന്നതിന് 72 മണിക്കൂറിനുള്ളിൽ എടുത്ത നെഗറ്റീവ് പിസിആർ പരിശോധന ഫലം സമർപ്പിക്കുകയും അഞ്ച് ദിവസത്തെ ഇൻസ്റ്റിറ്റ്യൂഷണൽ ക്വാറന്റൈനിൽ പോകുകയും വേണം.

കൂടാതെ രാജ്യത്ത് പ്രവേശിച്ച് 24 മണിക്കൂറിനുള്ളിൽ ഒരു കൊറോണ പരിശോധനയും അഞ്ചാം ദിവസം മറ്റൊരു പരിശോധനയും വേണം. ക്വാറന്റൈൻ കാലയളവ് അവസാന ദിവസത്തെ ഈ ഫലം നെഗറ്റീവ് ആണെങ്കിൽ ക്വാറന്റൈൻ അവസാനിപ്പിക്കാം. ഇതു വരെ ഏഴു ദിവസമായിരുന്നു ക്വാറന്റൈന്‍. സെപ്തംബര്‍ 23 ന് ഉച്ചക്ക് 12 മുതലാണ് വ്യവസ്ഥ നിലവില്‍ വരിക