ദുബൈയിൽ പുതിയ ഒരു സാലിക്ക് ഗേറ്റ് കൂടി വരുന്നു; ട്രാഫിക് കൂടുതൽ എളുപ്പമാകും

ദുബൈ: ദുബൈ നഗരത്തിൽ വർധിച്ചുവരുന്ന വാഹനത്തിരക്ക് കണക്കിലെടുത്ത് പുതിയ സാലിക് ടോൾ ഗേറ്റ് വരാൻ സാധ്യത. പുതിയ സാലിക് ഗേറ്റുകളുടെ ആവശ്യമുണ്ടെന്ന് സാലിക് കമ്പനിയുടെ സി.ഇ.ഒ ഇബ്രാഹിം അൽ ഹദ്ദാദ് പറഞ്ഞു. ട്രാഫിക് നിയന്ത്രിക്കുന്നതിൽ പ്രധാന പങ്ക് വഹിക്കുന്ന ഒന്നാണ് ടോൾ ഗേറ്റുകൾ. അതിനാൽ തന്നെ നിലവിലെ അവസ്ഥയിൽ പുതിയ ഗേറ്റ് വൈകാതെ വന്നേക്കും. എന്നാൽ ദുബൈ റോഡ്സ് ആ​ൻ​ഡ് ട്രാ​ൻ​സ്‌​പോ​ർ​ട്ട് അ​തോ​റി​റ്റി (ആ​ർ.​ടി.​എ) യാണ് ഇക്കാര്യത്തിൽ അന്തിമ തീരുമാനം എടുക്കേണ്ടത്.

ദു​ബൈ എ​ക്‌​സി​ക്യൂ​ട്ടി​വ് കൗ​ൺ​സി​ലി​ന്‍റെ അ​നു​മ​തി​യെ ആശ്രയിച്ചാകും ആർ.ടി.എ ഇക്കാര്യത്തിൽ തീരുമാനമെടുക്കുക. ട്രാ​ഫി​ക്​ നി​യ​ന്ത്രി​ക്കു​ന്ന​തിനൊപ്പം സർക്കാരിന് വരുമാനം കൂടി ലഭിക്കുന്ന പദ്ധതിയായതിനാൽ അനുമതി ലഭിക്കുമെന്ന പ്രതീക്ഷയിലാണ് സാലിക് കമ്പനിയുടെ സി.ഇ.ഒ ഇബ്രാഹിം അൽ ഹദ്ദാദ്. ശൈ​ഖ്​ സാ​യി​ദ്​ റോ​ഡ്​ ഉ​ൾ​പ്പെ​ടെ ദു​ബൈ ന​ഗ​ര​ത്തി​ലെ പ്ര​ധാ​ന ഇ​ട​നാ​ഴി​ക​ളി​ലാ​യി എ​ട്ട്​ ടോ​ൾ ഗേ​റ്റു​ക​ൾ നി​ല​വി​ൽ പ്ര​വ​ർ​ത്തി​ച്ചു​വ​രു​ന്നു​ണ്ട്. ഈ ​വ​ർ​ഷം ആ​ദ്യ പ​കു​തി​യി​ൽ മാ​ത്രം 293 ദ​ശ​ല​ക്ഷം ട്രി​പ്പു​ക​ളാ​ണ്​ ടോ​ൾ ബൂ​ത്തു​ക​ളി​ൽ രേ​ഖ​പ്പെ​ടു​ത്തി​യ​ത്. 2022 ജ​നു​വ​രി മു​ത​ൽ ജൂ​ൺ വ​രെ കാ​ല​യ​ള​വി​നെ അ​പേ​ക്ഷി​ച്ച്​ 9.8 ശ​ത​മാ​നം വ​ള​ർ​ച്ച​യാ​ണ്​ രേ​ഖ​പ്പെ​ടു​ത്തി​യ​ത്.

2007ൽ ​ആ​ർ.​ടി.​എയാണ് ടോൾ ഗേറ്റുകൾ ദു​ബൈ​യി​ൽ ആ​ദ്യ​മാ​യി കൊണ്ടുവന്നത്. ശൈ​ഖ്​ സാ​യി​ദ്​ റോ​ഡ്​ ഉ​ൾ​പ്പെ​ടെ ദു​ബൈ ന​ഗ​ര​ത്തി​ൽ എ​ട്ട്​ ടോ​ൾ ഗേ​റ്റു​ക​ൾ നി​ല​വി​ൽ പ്ര​വ​ർ​ത്തി​ച്ചു​വ​രു​ന്നു​ണ്ട്. ടോൾ ഗേറ്റിലൂടെയുള്ള ഓരോ യാത്രയ്ക്കും നാല് ദിർഹമാണ് നിരക്ക്. ഈ ​വ​ർ​ഷം ആ​ദ്യ പ​കു​തി​യി​ൽ മാ​ത്രം 293 ദ​ശ​ല​ക്ഷം വാഹനങ്ങളാണ്​ ടോ​ൾ ബൂ​ത്തു​ക​ളിലൂടെ കടന്നു പോയത്. 2022 ജ​നു​വ​രി മു​ത​ൽ ജൂ​ൺ വ​രെ കാ​ല​യ​ള​വി​നെ അ​പേ​ക്ഷി​ച്ച്​ 9.8 ശ​ത​മാ​നം വ​ള​ർ​ച്ച​യാ​ണ്​ രേ​ഖ​പ്പെ​ടു​ത്തി​യ​ത്.

അതേസമയം, ദു​ബൈ​യി​ലെ ടോ​ൾ ഗേ​റ്റ്​ ഓ​പ​റേ​റ്റ​ർ​മാ​രാ​യ സാ​ലി​ക്ക്​ പു​തി​യ നി​ക്ഷേ​പം സ്വീ​ക​രി​ക്കു​ന്നു എ​ന്ന ത​ര​ത്തി​ൽ സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​ക്കു​ന്ന വാർത്തകൾ കമ്പനി നിഷേധിച്ചു. സാ​ലി​ക്ക്​ ഓ​ഹ​രി​യി​ൽ 950 ദി​ർ​ഹം നി​ക്ഷേ​പി​ച്ചാ​ൽ സ്ഥി​രം വ​രു​മാ​നം ല​ഭി​ക്കു​മെ​ന്ന്​ കാ​ണി​ച്ചാണ് സമൂഹമാധ്യമങ്ങളിൽ പോ​സ്റ്റു​ക​ൾ പ്രചരിക്കുന്നത്. എന്നാൽ ഇത് വ്യാ​ജ​മാ​ണെ​ന്ന്​​ ക​മ്പ​നി അ​റി​യി​ച്ചു. സാ​ലി​ക്കി​ൽ നി​ക്ഷേ​പി​ക്കാ​ൻ ആ​ഗ്ര​ഹി​ക്കു​ന്ന​വ​ർക്ക് ഇതിനായി ഔദ്യോഗിക മാർഗങ്ങൾ ഉണ്ട്. ഇതുവഴി വേണം ഓഹരി വാങ്ങാൻ എന്നും കമ്പനി അറിയിച്ചു.

കഴിഞ്ഞ വർഷമാണ് സാലിക്ക് അതിന്റെ പ്രാഥമിക പബ്ലിക് ഓഫറിങ് (ഐപിഒ) ആരംഭിച്ചത്. ഏകദേശം 3.7 ബില്യൻ ദിർഹം (1 ബില്യൻ ഡോളർ) കമ്പനി സമാഹരിച്ചത്. മൊത്തം സബ്‌സ്‌ക്രിപ്‌ഷനുകൾ 184.2 ബില്യൻ ദിർഹത്തിൽ (50.2 ബില്യൻ ഡോളർ) എത്തി. സാലിക് സ്റ്റോക്കുകൾക്കും ഉയർന്ന ഡിമാൻഡുണ്ട്. ദുബൈ ഫിനാൻഷ്യൽ മാർക്കറ്റിൽ ഏറ്റവും സജീവമായി ട്രേഡ് ചെയ്യപ്പെടുന്ന സ്റ്റോക്കുകളിൽ ഒന്നാണിത്.

കൂടുതൽ ഗൾഫ് വാർത്തകൾ ലഭിക്കാൻ ഗ്രൂപ്പിൽ ജോയിൻ ചെയ്യുക https://chat.whatsapp.com/BRPMYfzNHhY2483Sqrze5o