മസ്കത്ത്: ഒമാനിലെ മസ്കത്ത് ​ഗവര്‍ണറേറ്റിലെ ഹമറിയ മേൽപ്പാലം താൽക്കാലികമായി അടച്ചിടുമെന്ന് മസ്കത്ത് നഗരസഭയുടെ അറിയിപ്പ്. അറ്റകുറ്റപ്പണികൾക്കായി ഹമറിയ മേൽപ്പാലം നവംബർ 12 ഞായറാഴ്ച്ച വരെ അടച്ചിടും.

മസ്കത്ത് നഗരസഭാ,റോയൽ ഒമാൻ പോലീസുമായി (ROP) സഹകരിച്ച്, മേൽപ്പാലത്തിന്റെ അസ്ഫാൽറ്റ് പാളിയുടെ അറ്റകുറ്റപ്പണികൾക്കായി 2023 നവംബർ 12 ഞായറാഴ്ച രാവിലെ വരെ ഹമറിയ മേൽപ്പാലം പൂർണ്ണമായും അടച്ചിടുമെന്നാണ് നഗരസഭ പുറത്തിറക്കിയിട്ടുള്ള അറിയിപ്പിൽ പറഞ്ഞിട്ടുള്ളത്.

ഗതാഗത നിയന്ത്രണങ്ങള്‍ പാലിക്കണമെന്ന് അധികൃതര്‍ പൊതുജനങ്ങളോട് അഭ്യര്‍ത്ഥിച്ചിട്ടുണ്ട്.