ദോഹ: ഖത്തര്‍ ലോകകപ്പിലെ ആദ്യ ക്വാര്‍ട്ടര്‍ മത്സരത്തിന്റെ ആദ്യ പകുതി ഗോള്‍ രഹിതം. ബ്രസീല്‍- ക്രൊയേഷ്യ മത്സരത്തില്‍
ഇരുടീമുകള്‍ക്കും ഗോള്‍ നേടാനായില്ല. പന്തടക്കത്തില്‍ ഒപ്പത്തിനൊപ്പമാണെങ്കിലും മുന്നേറ്റത്തില്‍ മുന്‍തൂക്കം ക്രൊയേഷ്യക്കായിരുന്നു.

ആദ്യ പത്തു മിനിറ്റുകളില്‍ ഇരുടീമുകള്‍ക്കും കാര്യമായ ചലനങ്ങളുണ്ടാക്കാനായില്ല. അഞ്ചാം മിനിറ്റില്‍ ബോക്‌സിന്റെ ഇടതു പാര്‍ശ്വത്തില്‍നിന്നുള്ള വിനീഷ്യസ് ജൂനിയറിന്റെ ഷോട്ട് ക്രൊയേഷ്യന്‍ ഗോളി ലിവാകോവിച്ച് കൈയിലൊതുക്കി.

കൊറിയക്കെതിരായ മത്സരത്തിലെ ഒഴുക്കും താളവും വീണ്ടെടുക്കാനാകാത്ത ബ്രസീലിനെയാണ് ആദ്യപകുതി അവസാനിച്ചപ്പോള്‍ കാണാനായത്.പിന്നാലെ ബ്രസീല്‍ പ്രതിരോധത്തിലേക്ക് വലിഞ്ഞു.