സുപ്രഭാതം അജ്‌മാൻ തല പ്രചാരണ ഉൽഘാടാനം ഇന്ന്

അജ്‌മാൻ: യുഎയിൽ ആരംഭിക്കുന്ന സുപ്രഭാതം ഗൾഫ് എഡിഷൻ പത്രത്തിന്റെ അജ്‌മാൻ തല പ്രചരണ ഉദ്ഘാടാനവും മഹാന്മാരുടെ ആണ്ടനുസ്മരണവും ഇന്ന് രാത്രി അജ്‌മാൻ ഹല ഇൻ ഹോട്ടലിൽ വെച്ച് നടക്കും. അജ്‌മാൻ പ്രചരണ കമ്മിറ്റി ചെയർമാൻ അലവികുട്ടി ഫൈസി മുതുവല്ലൂരിന്റെ അധ്യക്ഷതയിൽ പാണക്കാട് സയ്യിദ് മുനവ്വറലി ശിഹാബ് തങ്ങൾ ഉദ്ഘാടനം ചെയ്യും. മഹാന്മാരെ അനുസ്മരിച്ച് മുസ്തഫ ഹുദവി ആക്കോട് പ്രഭാഷണം നടത്തും.

ഷൌക്കത്തലി മൗലവി മണ്ണാർക്കാട് മുഖ്യ പ്രഭാഷണം നിർവഹിക്കും. യുഎഇ എസ്കെഎസ്എസ്എഫ് പ്രസിഡന്റ്‌ സയ്യിദ് ശുഹൈബ് തങ്ങൾ, അബ്ദുൽ റസാഖ്‌ വളാഞ്ചേരി, മുഹമ്മദ് മദനി, അബ്ദുൽ കരീം ഫൈസി തുടങ്ങി സുന്നി സെന്ററിന്റെയും എസ്കെഎസ്എസ്എഫിന്റെയും കെഎംസിസിയുടെയും നാസർ സുവൈദി മദ്റസയുടെയും നവവി മദ്റസയുടേയും നേതാക്കളും പ്രവർത്തകരും പരിപാടിയിൽ പങ്കെടുക്കും.