കുസാറ്റ് ഹോസ്റ്റലില്‍ എസ്.എഫ്.ഐ- കെ.എസ്.യു സംഘര്‍ഷം

കൊച്ചി: കുസാറ്റിലെ ഹോസ്റ്റലില്‍ എസ്എഫ്‌ഐയുമായുണ്ടായ സംഘര്‍ഷത്തില്‍ നാല് കെഎസ്‌യു പ്രവര്‍ത്തകര്‍ക്ക് പരുക്കേറ്റു. ഇന്ന് പുലര്‍ച്ചെ ഒരുമണിയോടെയാണ് സംഘര്‍ഷമുണ്ടായത്. പരുക്കേറ്റ കെ.എസ്.യു പ്രവര്‍ത്തകരുടെ പരാതിയില്‍ 14 എസ്.എഫ്.ഐ പ്രവര്‍ത്തകര്‍ക്ക് നേരെ കളമശേരി പൊലിസ് കേസെടുത്തു. വധശ്രമം, മാരകായുധങ്ങള്‍ കൊണ്ട് പരിക്കേല്‍പ്പിക്കല്‍, സംഘം ചേര്‍ന്ന് ആക്രമിക്കല്‍ തുടങ്ങിയ വകുപ്പുകള്‍ ചുമത്തിയാണ് കേസെടുത്തത്.

യൂണിയന്‍ തെരഞ്ഞെടുപ്പിന്റെ തുടര്‍ച്ച എന്ന രീതിയിലാണ് കോളജ് ഹോസ്റ്റലില്‍ വച്ചും സംഘര്‍ഷമുണ്ടായത്. സംഘര്‍ഷത്തില്‍ ഒരു വിദ്യാര്‍ത്ഥിയുടെ കണ്ണിന് സാരമായി പരുക്കേറ്റു. ഇയാളെ ആശുപത്രിയില്‍ പ്രവേശിപ്പിച്ചിരിക്കുകയാണ്.