കോഴിക്കോട്: സിറ്റി ട്രാഫിക് പൊലീസ് എസ്.ഐ വിചിത്രന്‍(52)വാഹന അപകടത്തില്‍ മരിച്ചു.രാത്രി ട്രാഫിക് ഡ്യൂട്ടി കഴിഞ്ഞ് വീട്ടിലേക്ക് മടങ്ങുന്നതിനിടെയാണ് മണക്കടവ് സ്വദേശിയായ വിചിത്രന്‍ അപകടത്തില്‍ പെട്ടത്.ഇന്നലെ രാത്രി 10.30 ഓടെ ചാലപ്പുറം മാങ്കാവ് റോഡില്‍ മൂരിയാടായിരുന്നു അപകടം. പരിക്കേറ്റ് റോഡരികില്‍ കിടന്ന വിചിത്രനെ രണ്ട് യുവാക്കള്‍ ചേര്‍ന്ന് പി.വി.എസ് ആശുപത്രിയിലെത്തിക്കുകയായിരുന്നു. തലയ്ക്ക് ഏറ്റ പരുക്ക് ഗുരുതരമായിരുന്നതിനാല്‍ പിന്നീട് ആസ്റ്റര്‍ മിംസിലേക്ക് മാറ്റിയെങ്കിലും പുലര്‍ച്ചയോടെ മരണപ്പെടുകയായിരുന്നു.