ലണ്ടന്‍: യു.കെ ജേഴ്‌സിയിലെ അപ്പാര്‍ട്ട്‌മെന്റില്‍ ഗ്യാസ് ചോര്‍ച്ചയെ തുടര്‍ന്നുണ്ടായ സ്‌ഫോടനത്തില്‍ മൂന്ന്‌പേര്‍ കൊല്ലപ്പെട്ടു. നിരവധിപേരെ കാണാതായി.

ദ്വീപിന്റെ തുറമുഖ തലസ്ഥാനമായ സെന്റ് ഹീലിയറില്‍ ശനിയാഴ്ച പുലര്‍ച്ചെ നാലോടെയാണ് വാതക ചോര്‍ച്ചയുണ്ടായത്. തുടര്‍ന്നുണ്ടായ സ്‌ഫോടനത്തിലാണ് മരണം സംഭവിച്ചതെന്ന് മുഖ്യമന്ത്രി ക്രിസ്റ്റീന മൂര്‍ വ്യക്തമാക്കി.

തീ അണച്ചെങ്കിലും രക്ഷാപ്രവര്‍ത്തനത്തിന് ദിവസങ്ങളെടുക്കുമെന്നും പൊലിസ് കൂട്ടിച്ചേര്‍ത്തു. സമീപത്തെ കെട്ടിടത്തിനും കേടുപാടുകള്‍ സംഭവിച്ചിട്ടുണ്ട്.

ഗ്യാസ് ചോര്‍ന്നതിന്റെ ഗന്ധം അടിച്ചതിനെ തുടര്‍ന്ന് സമീപ വാസികള്‍ അഗ്‌നി ശമനസേനയെ വിവരമറിയിക്കുകയായിരുന്നു.