തിരുവനന്തപുരം: പാലാ ബിഷപ്പിന്റെ വിവാദ പ്രസ്താവനയില്‍ എല്‍.ഡി.എഫിലെ സി.പി.എമ്മും സി.പി.ഐയും സ്വീകരിച്ച നിലപാടുകള്‍ക്ക് വിരുദ്ധമായി, ബിഷപ്പിനെ അനുകൂലിച്ച് പ്രതികരണം നടത്തിയ ജോസ് കെ. മാണിയെ പ്രതിരോധിച്ച് മുഖ്യമന്ത്രി പിണറായി വിജയന്‍.
ഓരോ സമുദായ അംഗങ്ങളോടും സംസാരിക്കുമ്പോള്‍ അവരുടെ പ്രശ്‌നങ്ങള്‍ പറയുന്നതില്‍ തെറ്റില്ല. ഒരു സമുദായം എന്ന നിലയ്ക്ക് ആ സമുദായത്തിലെ മുഴുവന്‍ അംഗങ്ങളുടെ കാര്യങ്ങള്‍ ആ സമുദായ സംഘടനകള്‍ ആലോചിക്കും. ബന്ധപ്പെട്ട വിഭാഗങ്ങളുടെ മുന്നില്‍ ആരാണോ സംസാരിക്കുന്നത് അവര്‍ ഒരഭ്യര്‍ഥന നടത്തും.
സ്വന്തം സമുദായത്തെ ആരെങ്കിലും അഭിസംബോധന ചെയ്യുന്നതില്‍ ആരും തെറ്റ് കാണുന്നില്ല. ആ നിലയ്ക്ക് ജോസ് കെ. മാണി പറഞ്ഞതില്‍ തെറ്റില്ലെന്നും എന്നാല്‍ അത്തരം സന്ദര്‍ഭത്തില്‍ ഇതര മതത്തെ അവഹേളിക്കുന്ന രീതികള്‍ പാടില്ലെന്നും മുഖ്യമന്ത്രി പറഞ്ഞു.