ആലപ്പുഴ: കായംകുളം കറ്റാനത്ത് ദുര്‍മന്ത്രവാദത്തിന്റെ പേരില്‍ യുവതിക്ക് ക്രൂരമര്‍ദ്ദനം. ഐ.ടി ജീവനക്കാരിയായ 25 കാരിക്കാണ് മര്‍ദ്ദനമേറ്റത്. സംഭവത്തില്‍ യുവതിയുടെ ഭര്‍ത്താവും ദുര്‍മന്ത്രവാദികളും അടക്കം ആറുപേര്‍ അറസ്റ്റില്‍.

യുവതിയുടെ ഭര്‍ത്താവ് അനീഷ്, ബന്ധുക്കളായ ഷിബു, ഷാഹിന, ദുര്‍മന്ത്രവാദിയായ കുളത്തൂപ്പുഴ സ്വദേശി സുലൈമാന്‍, ഇയാളുടെ സഹായികളായ അന്‍വര്‍ ഹുസൈന്‍, ഇമാമുദ്ദീന്‍ എന്നിവരെയാണ് നൂറനാട് പൊലിസ് അറസ്റ്റ് ചെയ്തത്.

കഴിഞ്ഞ ദിവസമാണ് യുവതി ഇക്കാര്യം പൊലിസില്‍ അറിയിച്ചത്. പിടിയിലായവര്‍ യുവതിയെ കെട്ടിയിട്ട് മര്‍ദ്ദിക്കുകയും കത്തിയും വാളും ഉപയോഗിച്ച് മുറിവേല്‍പ്പിക്കുകയും ചെയ്തതായി പരാതിയില്‍ പറയുന്നു.