തൃശൂര്‍: ചെക്ക് ഡാമില്‍നിന്ന് കാര്‍ പുഴയിലേക്ക് മറിഞ്ഞ് അപകടം. തിരുവില്വാമലയ്ക്ക് അടുത്ത് കൊണ്ടാഴിയിലെ എഴുന്നള്ളത്ത് കടവ് ചെക്ക് ഡാമിലാണ് അപകടമുണ്ടായത്. കാര്‍ യാത്രക്കാരന്‍ കൊണ്ടാഴി സ്വദേശി ജോണിയെ മീന്‍പിടുത്തക്കാര്‍ രക്ഷിച്ചു.

തിരുവില്വാമല ഭാഗത്തേക്ക് പോവുകയായിരുന്ന കാര്‍ ആണ് അപകടത്തില്‍പെട്ടത്. ഡാമിനുമുകളിലൂടെ സഞ്ചരിക്കുന്നതിനിടെ പെട്ടന്ന് പുഴയില്‍ വെള്ളം ഉയരുകയായിരുന്നു. ഇതോടെ കാര്‍ പുഴയിലേക്ക് പതിച്ചു. ഉടന്‍തന്നെ നാട്ടുകാര്‍ രക്ഷാപ്രവര്‍ത്തനം നടത്തുകയും ജോണിയെ കരയ്‌ക്കെത്തിക്കുകയുമായിരുന്നു.

ചെക്ക് ഡാമില്‍ നിന്നും തെന്നി താഴേക്ക് നീങ്ങിയ കാര്‍ പുഴയ്ക്ക് നടുവിലാണുള്ളത്. കാര്‍ പുഴയില്‍ നിന്നും കരയ്ക്ക് കയറ്റാനുള്ള ശ്രമങ്ങള്‍ നടക്കുന്നു.