കോട്ടയം:ശബരിമല തീര്‍ത്ഥാടകര്‍ സഞ്ചരിച്ചിരുന്ന വാഹനം നിയന്ത്രണം വിട്ട് മറിഞ്ഞ് പത്ത് വയസ്സുകാരിക്ക് ദാരുണാന്ത്യം.പതിനാറ് പേര്‍ക്ക് പരുക്ക്. എരുമേലി കണ്ണിമലയിലാണ് അപകടം നടന്നത്. ചെന്നൈയില്‍ നിന്ന് ശബരിമലയിലേയ്ക്ക് പോയ തീര്‍ത്ഥാടകര്‍ സഞ്ചരിച്ചിരുന്ന വാഹനമാണ് മുണ്ടക്കയം എരുമേലി സംസ്ഥാന പാതയില്‍ വെച്ച് വൈകിട്ട് 3.15 ഓടെ അപകടത്തില്‍പ്പെട്ടത്.ചെന്നൈ താംബരം സ്വദേശികളായ തീര്‍ത്ഥാടകരാണ് വാഹനത്തില്‍ ഉണ്ടായിരുന്നത്.കണ്ണിമല ഇറക്കത്തില്‍ നിയന്ത്രണം നഷ്ടമായ വാഹനം ക്രാഷ് ബാരിയര്‍ തകര്‍ത്ത് കുഴിയിലേയ്ക്ക് മറിയുകയായിരുന്നു. വാഹനത്തില്‍ ആകെ 21 പേരാണുണ്ടായിരുന്നത്. പരുക്കേറ്റവരെ കാഞ്ഞിരപ്പള്ളി ജനറല്‍ ആശുപത്രിയിലേക്ക് മാറ്റി.