ഭക്ഷ്യവിഷബാധ: എറണാകുളം ആര്‍.ടി.ഒയും മകനും ചികിത്സയില്‍; ഹോട്ടല്‍ പൂട്ടിച്ചു

കാക്കനാട്: ഭക്ഷ്യവിഷബാധയേറ്റ് എറണാകുളം ആര്‍.ടി.ഒയും മകനും ആശുപത്രിയില്‍. നഗരസഭ ഹോട്ടല്‍ പൂട്ടിച്ചു. ആര്‍.ടി.ഒ.ജി അനന്തകൃഷ്ണന്‍(52) മകന്‍ അശ്വിന്‍ കൃഷ്ണ(23) എന്നിവരാണ് എറണാകുളം മെഡിക്കല്‍ സെന്ററില്‍ ചികിത്സയിലുള്ളത്.

എറണാകുളം കാക്കനാടുള്ള ആര്യാസ് ഹോട്ടലില്‍ നിന്നും ഭക്ഷണം കഴിച്ചതിന് പിന്നാലെയാണ് ഇവര്‍ക്ക് ആരോഗ്യപ്രശ്‌നങ്ങളുണ്ടായത്. പിന്നാലെ ഇവര്‍ ചികിത്സ തേടുകയായിരുന്നു. ഭക്ഷ്യവിഷബാധയുടെ പശ്ചാത്തലത്തില്‍ ഹോട്ടലില്‍ നിന്ന് ഭക്ഷണത്തിന്റെ സാമ്പിള്‍ പരിശോധനക്ക് എടുത്തിട്ടുണ്ട്. ഇതിന്റെ ഫലം കിട്ടുന്ന സാഹചര്യത്തിലായിരിക്കും തുടര്‍നടപടികള്‍ കൈക്കൊള്ളുക.