ഇന്ത്യക്കെതിരെ ലോകകപ്പ് കലാശപ്പോരാട്ടത്തില്‍ ഓസീസിന് 241 റണ്‍സ് വിജയലക്ഷ്യം.ആദ്യം ബാറ്റ് ചെയ്ത ടീം ഇന്ത്യ അര്‍ധസെഞ്ച്വറി നേടിയ കെ.എല്‍ രാഹുല്‍, 47 റണ്‍സ് സ്വന്തമാക്കിയ കോഹ്‌ലി എന്നിവരുടെ മികവിലാണ് 240 എന്ന റണ്‍സിലേക്ക് എത്തിയത്. ടൂര്‍ണമെന്റില്‍ ആദ്യമായി ഓള്‍ഔട്ടായ ഇന്ത്യയുടെ ടോപ്പ് ഓര്‍ഡര്‍ ബാറ്റര്‍മാര്‍ക്ക് കാര്യമായി തിളങ്ങാന്‍ സാധിക്കാത്തതാണ് ടീം 240 എന്ന സ്‌കോറില്‍ ഒതുങ്ങാന്‍ കാരണം.

മത്സരത്തില്‍ ഓസീസ് ബോളര്‍മാര്‍ മെച്ചപ്പെടുത്ത പ്രകടനം കാഴ്ച വെച്ചു.ഓസ്‌ട്രേലിയയ്ക്ക് വേണ്ടി മിച്ചല്‍ സ്റ്റാര്‍ക്ക് മൂന്ന് വിക്കറ്റെടുത്തപ്പോള്‍ ജോഷ് ഹെയ്‌സല്‍വുഡ്, പാറ്റ് കമ്മിന്‍സ് എന്നിവര്‍ രണ്ട് വിക്കറ്റ് വീതം സ്വന്തമാക്കിയപ്പോള്‍ ഗ്ലെന്‍ മാക്‌സ്‌വെല്‍, ആദം സാംപ എന്നിവര്‍ ഓരോ വിക്കറ്റ് വീതം നേടി.

Content Highlights:aus want 241 runs to beat india