ദോഹ: ഖത്തര്‍ ലോകകപ്പിലെ മൂന്നാം സ്ഥാനക്കാരെ നിര്‍ണയിക്കുന്നതിനുള്ള ആവേശപ്പോരാട്ടത്തില്‍ രണ്ടു മിനിറ്റിനിടെ ഓരോ ഗോള്‍ നേടി ക്രൊയേഷ്യയും മൊറോക്കോയും ഒപ്പത്തിനൊപ്പം. ഖലീഫ സ്റ്റേഡിയത്തില്‍ നടക്കുന്ന ആവേശപ്പോരാട്ടത്തിന്റെ ഏഴാം മിനിറ്റില്‍ ജോസിപ് ഗ്വാര്‍ഡിയോള്‍ നേടിയ ഹെഡര്‍ ഗോളില്‍ ക്രൊയേഷ്യ മുന്നിലെത്തിയെങ്കിലും, രണ്ടു മിനിറ്റിനുള്ളില്‍ അച്‌റഫ് ദാരിയിലൂടെ മൊറോക്കോ തിരിച്ചടിച്ചു.