തിരുവനന്തപുരം: സന്തോഷ് ട്രോഫി ഫൈനല്‍ റൗണ്ട് മഞ്ചേരി സ്റ്റേഡിയത്തില്‍ നടക്കുമെന്ന് കായിക മന്ത്രി വി.അബ്ദുറഹിമാന്‍ തിരുവനന്തപുരത്ത് അറിയിച്ചു. ഇതിനായി സ്റ്റേഡിയം നവീകരണമടക്കം കാര്യങ്ങള്‍ ചെയ്യുമെന്ന് മന്ത്രി കൂട്ടിച്ചേര്‍ത്തു. ഓള്‍ ഇന്ത്യ ഫുട്‌ബോള്‍ ഫെഡറേഷന്‍ ഭാരവാഹികളും ഇത് സ്ഥിരീകരിച്ചു.

ടൂര്‍ണമെന്റിന്റെ ഫൈനല്‍ റൗണ്ടുകളാണ് മഞ്ചേരിയിലെ സ്റ്റേഡിയത്തില്‍ നടക്കുക. കൊവിഡ് സാഹചര്യത്തില്‍ ടൂര്‍ണമെന്റിന്റെ ഫിക്‌സ്ചര്‍ തയാറായിട്ടില്ല. ഇക്കാര്യങ്ങള്‍ അടുത്ത ദിവസങ്ങളില്‍ തന്നെ അറിയിക്കുമെന്ന് ഫെഡറേഷന്‍ ഡെപ്യൂട്ടി ജനറല്‍ സെക്രട്ടറി അഭിഷേക് യാദവ് പറഞ്ഞു.