കൊച്ചി:കരിപ്പൂര്‍,നെടുമ്പാശേരി വിമാനത്താവളങ്ങളില്‍ നിന്നായി ഇന്ന്‌ ഒന്നരക്കോടിയുടെ സ്വര്‍ണം പിടിച്ചെടുത്തു.കരിപ്പൂരില്‍ സ്വര്‍ണവുമായി മൂന്ന് പേരാണ് പിടിയിലായത്.വാട്ടര്‍ ടാപ്പില്‍ ഒളിപ്പിച്ചു കടത്താന്‍ ശ്രമിച്ച 814 ഗ്രാം സ്വര്‍ണവുമായി കുറ്റിപ്പുറം സ്വദേശിയായ മുഹമ്മദ് ഇഷാഖ് പിടിയിലായി. കൂടാതെ കാസര്‍ഗോഡ് സ്വദേശി റാഷിദ്, മലപ്പുറം ചെമ്മാട് സ്വദേശി മുഹമ്മദ് ഷഫീഖ് എന്നിവരില്‍ നിന്ന് 65 ലക്ഷം രൂപയുടെ സ്വര്‍ണ മിശ്രിതംവും ഇന്ന് കസ്റ്റംസ് പിടികൂടി. നെടുമ്പാശ്ശേരി വിമാനത്താവളത്തില്‍ ഒരു കിലോ സ്വര്‍ണവുമായി പാലക്കാട് സ്വദേശി റഷീദും ഇന്ന് പിടിക്കപ്പെട്ടു.