ഓവര്‍ട്ടേക്ക് ചെയ്തപ്പോള്‍ കാറില്‍ തട്ടി; കോട്ടയത്ത് സ്ത്രീകള്‍ കെ.എസ്.ആര്‍.ടി.സി ബസിന്റെ ഹെഡ്‌ലൈറ്റ് അടിച്ചുതകര്‍ത്തു

കോട്ടയം: കോടിമത നാലുവരിപാതയില്‍ കാറില്‍ എത്തിയ സ്ത്രീകള്‍ കെ.എസ്.ആര്‍.ടി.സി ബസിന്റെ ഹെഡ്‌ലൈറ്റ് അടിച്ചുതകര്‍ത്തു. ബസ് ഓവര്‍ടേക്ക് ചെയ്തപ്പോള്‍ കാറിന്റെ മിററില്‍ തട്ടിയിരുന്നു. ഇതിനു പിന്നാലെയാണ് ബസ് തടഞ്ഞുനിര്‍ത്തി കാറില്‍ നിന്നും ലിവര്‍ എടുത്ത് ലൈറ്റ് അടിച്ചുതകര്‍ത്തത്.

തിരുവനന്തപുരത്തുനിന്ന് മലപ്പുറത്തേക്ക് പോയ ബസ്സിനു നേരെയാണ് ആക്രമണമുണ്ടായത്. അക്രമത്തിന് പിന്നാലെ സ്ത്രീകള്‍ അതേകാറില്‍ തന്നെ രക്ഷപ്പെട്ടു. ആലപ്പുഴ രജിസ്‌ട്രേഷന്‍ കാറില്‍ ഉണ്ടായിരുന്ന സ്ത്രീകളാണ് ആക്രമം നടത്തിയത്. ഇവര്‍ക്കായി പൊലിസ് അന്വേഷണം ആരംഭിച്ചു.