ചെന്നൈ: ഐഎസ്എലില്‍ കേരള ബ്ലാസ്റ്റേഴ്‌സിന്റെ വിജയക്കുതിപ്പിന് വിരാമം. തുടര്‍ച്ചയായ ജയത്തോടെയുള്ള മുന്നേറ്റത്തിനാണ് ചെന്നൈ എഫ്‌സി തടയിട്ടിട്ടുള്ളത്. ചെന്നൈയിന്‍ എഫ്‌സിയെ അവരുടെ തട്ടകമായ മറീന അറീനയില്‍ നേരിട്ട ബ്ലാസ്റ്റേഴ്‌സ് സമനില കൊണ്ട് തൃപ്തിപ്പെട്ടു.

ഇരു ടീമുകളും ഓരോ ഗോള്‍ വീതം നേടി. ബ്ലാസ്റ്റേഴ്‌സിനായി സഹല്‍ അബ്ദുല്‍ സമദ് ഗോള്‍ വല ചലിപ്പിച്ചപ്പോള്‍ ചെന്നൈയിന്‍ എഫ്‌സിക്കായി ബ്ലാസ്റ്റേഴ്‌സിന്റെ മുന്‍ താരം വിന്‍സി ബരെറ്റോ ആണ് ഗോള്‍ നേടിയത്. ഇതോടെ 10 മത്സരങ്ങളില്‍ നിന്ന് 19 പോയിന്റുമായി ബ്ലാസ്റ്റേഴ്‌സ് പോയിന്റ് പട്ടികയില്‍ നാലാമതെത്തി.